پيپلزپارٽي ۽ زرداري سنڌ کي ايٿوپيا ۽صوماليا بڻائي ڇڏيو. اھي سنڌ جي عوام کي غلام سمجھن ٿا: اياز لطيف پليجو

پيپلزپارٽي ۽ زرداري سنڌ کي ايٿوپيا ۽صوماليا بڻائي ڇڏيو. اھي سنڌ جي عوام کي غلام سمجھن ٿا: اياز لطيف پليجو

حيدرآباد(بيورو) قومي عوامي تحريڪ جي سربراھ اياز لطيف پليجو قاسم آباد جي علائقي شيدي ڳوٺ، ڳوٺ قادر بخش نوحاڻي پھتو جتي علائقي رھواسين دھلن شرنائين سان سندس شاندار استقبال ڪيو ۽ لنگهين، اجرڪن جا تعفا ڏنا ان موقعي تي ڪارنر گڏجاڻين کي خطاب اياز لطيف پليجي خطاب ڪندي چيو تہ پيپلزپارٽي ۽ زرداري سنڌ کي اٿيوپيا ۽صوماليا بڻائي ڇڏيو آهي. پيپلزپارٽي ۽ زرداري ٽولو سنڌ جي عوام کي پنھنجو غلام سمجھن ٿا ھي صرف اقتدار حاصل ڪرڻ لاء عوام دوستي ۽ جمھوريت جو ڪوڙو نعرو ھڻي ماڻهن کي بيوقوف بڻائين ٿا، پيپلزپارٽي ۽ زرداري ٽولي وٽ سنڌ جي غريب عوام جي ترقي جو ڪو بہ پروگرام نہ آهي،اقتدار ھنن جو ڪاروبار آھي ھي ڪروڙين روپيا اليڪشن تي خرچ ڪري اربين روپيا ڪمائي عوام کي بدحال ڪن ٿا.اياز لطيف پليجي چيو تہ پنجاب، بلوچستان ۽ پختونخواھ ۾ اليڪشن ڪارڪردگي جي بنياد تي وڙھي ويندي آھي سنڌ ۾ عوام جي راءِ تي ڌاڙا ھنيا وڃن ٿا. پيپلز پارٽي 15 سالن جي اقتداري دؤر ۾ ڪي بہ روزگار جا وسيلا پيدا نہ ڪري سگھي آھي. زرعي تباھي، بک، بدحالي ۽ ڪرپشن جي ور چڙهي ڇڏيو آهي پيپلز پارٽي ڪرپشن ۽ اقتدار جي حوس ۾ سنڌ کي داءُ تي لڳائي ڇڏيو آهي، 8 فيبروري تي عوام جي طاقت سان ڪرپٽ مافيا کي شڪست ملندي. زرداري مافيا سنڌ جي معيشت زراعت کي تباھ ڪري ڇڏيو آهي. گذريل 15 سالن ۾ پيپلزپارٽي سنڌ ۾ ڪا ھڪ بہ نئي ميڊيڪل، زرعي يونيورسٽي ڪنھن بہ ضلعي ۾ نئين صنعت نہ ڏني آهي. زرداري مافيا سنڌ جي معيشت، زراعت کي تباھ ڪري ڇڏيو آهي. نامياري اديب دانشور انعام شيخ خطاب ڪندي چيو تہ سنڌ کي تباھ ۽ برباد ڪندڙ پيپلزپارٽي ۽ زرداري مافيا آهي جنهن پنهنجي مسلسل پندرهن سالن جي اقتداري دور دوران سنڌ کي تباهي ڪرپشن کان سواءِ ڪجھ نہ ڏنو. انعام شيخ چيو تہ پيپلزپارٽي سنڌي ماڻهن کان ووٽ وٺي پوءِ انهن کي بي يارومددگار ڇڏي ڏيندي آهي 8 فيبروري سنڌ جي تقدير بدلائڻ جو ڏينهن آهي، قاسم آباد جي عوام کي گھرجي تہ 8 فيبروري تي پنهنجي فيملين سان گڏ گھرن مان نڪري پولنگ اسٽيشن پھچي تاري تي ٺپو هڻي .سنڌ جي سگھاري آواز اياز لطيف پليجو کي اسيمبلي پھچايو. ڪارنر گڏجاڻين کي قومي عوامي تحريڪ جي مرڪزي جنرل سيڪريٽري مظھر راھوجو، ترقي پسند پارٽي جي اڳواڻ جان محمد جوڻيجو، انور نوحاڻي، اشرف پليجو ،شوڪت تنيو ،رفيق ڪنراڻي ۽ ٻين خطاب ڪيو