پاڪستان دهشتگردي جي خاتمي لاءِ لازوال قربانيون ڏنيون آهن: اياز لطيف پليجو

پاڪستان دهشتگردي جي خاتمي لاءِ لازوال قربانيون ڏنيون آهن: اياز لطيف پليجو

حيدرآباد (بيورو) قومي عوامي تحريڪ جي سربراھ اياز لطيف پليجي چيو آهي تہ پاڪستان دهشتگردي جي خاتمي لاءِ لازوال قربانيون ڏنيون آهن ملڪ ۾ ٿيندڙ دهشتگردي جي پويان ٻاهرين قوتن جو هٿ آهي، پيپلزپارٽي ۽ آصف زرداري سوداگر آھن، ھن سنڌ جو ڪوئلو، گئس، ساحلي پٽي، ڪوھستان، ڪراچي سميت وڏن شھرن جون زمينون، ٻيٽ، ڪارونجھر، پاڻي ۽ ٻيا وسيلا پنهنجي گذريل پندرهن سالن جي اقتداري دور دوران وڪڻي ڇڏيا ھنن سنڌ کي ترقي وٺرائڻ بدران تباھ ۽ برباد ڪري ڇڏيو. اياز لطيف پليجي چيو تہ پيپلز پارٽي ڪوڙي جمھوريت جي دعويدار آھي، ھي بادشاھت چاھين ٿا۔ جنھن ۾ عوام غلام ھجي۔ بيورو ڪريسي ۽ ادارا ھنن جي حڪمن جا محتاج ۽ اشارن تي فقط ھنن جي مرضي وارا ڪم ڪندا رھن۔ ھنن لاء قانون جي حڪمراني۔ انصاف۔ برابري۔ انساني حق ۽ ميرٽ فقط تقريرن ۽ ڪتابن ۾ سٺا آھن.اياز لطيف پليجي چيو تہ اليڪشن ڪميشن شفاف چونڊون ڪرائڻ ۾ ھميشه ناڪام رھي آھي. ملڪ ۾ حقيقي جمهوريت کي اچڻ ئي نٿو ڏنو وڃي.جمھوريت جي نالي ۾ سوداگرن سنڌ کي ۽ ملڪ کي نقصان ڏنو آھي.اليڪشن ڪميشن ٻڌائي تي شفاف چونڊن لاء ڪھڙا قدم کنيا ويا آھن. مٿين طبقي ۽ ذاتي مفادن لاءِ حڪومتن ۾ ايندڙ نمائندن وٽ ملڪ ۽ غريب عوام لاءِ ڪوبہ پروگرام ناھي، بار بار حڪومتن ۾ ايندڙ پارٽيون نمائشي طور عوام جون ڳالھيون ڪن ٿيون پر انھن جي غلط پاليسين جي ڪري ملڪ ۽ سنڌ ۾ بک، بدحالي بيروزگاري وڌي آهي