ٺٽو ضلعو ثقافتي رنگن ۾ رڱجي ويو، ننڍن وڏن شھرن ۾ ريليون

ٺٽو ضلعو ثقافتي رنگن ۾ رڱجي ويو، ننڍن وڏن شھرن ۾ ريليون

ٺٽو(شفيق ڀٽي) سنڌ جي ثقافت واري ڏيھاڙي تي سنڌ رنگن ۾ رنگجي ويئي، ٺٽو، مڪلي سميت ضلعي جي ھر ننڍي وڏي شھرن توڙي ڳوٺن ۾ سنڌي ثقافت جا رنگ جرڪي پيا، ريليون ڪڍي ثقافت واري ڏيھاڙي کي عيد جيان ملھايو ويو، ٺٽو ۽ مڪلي جي نوجوانن پاران ھڪ وڏي ثقافتي ريلي معراج زرداري، عباس زرداري ۽ آفاق پيرزادو جي اڳواڻي ۾ ڪڍي ويئي، جنھن ۾ جاکرا برادري جي معزز ضلعي ڪائونسل ٺٽو جي ميمبر وڏيرو رسول بخش جاکرو بہ شامل ٿي ويو ، نوجوانن سان ملاقات ڪري ثقافتي ڏيھاڙي جون مبارڪون ڏنيون، ٻئي طرف صوفي سنگت ٺٽو جي نوجوانن به ٺٽو کان مڪلي تائين وڏي ريلي ڪڍي ايڪتا سان اظهار ڪيو خشڪ چوڪ ٺٽي کان به اسد خشڪ سهيل شورو محمد ميمڻ خشڪ ۽ سنگت پاران پڻ الڳ الڳ ثقافتي ريليون نڪتيون صوفي سنگت جي سرڪي رضوان فيض، ساحل سرڪي، نومان خاصخيلي، احمد سرڪي، موعيز اعوان، منان قريشي، اسد خشڪ، عرفان خشڪ، حسن حمائتي، حسين حمائتي ۽ ٻين جي اڳواڻيء ۾ ريلي ٺٽي کان ڪڍي قومي گيتن تي جھمريون ھڻي ثقافتي ڏيھاڙي کي ڀرپور نموني ملھايو، ھوڏانھن سنڌ ملاح فورم ٺٽي پاران ملاح اڳواڻ ڏاڏا آدم گندرو، محمد خان ملاح، وڏيرو محمد عرس گندرو، محمد ايوب ملاح جي اڳواڻي ۾ ثقافتي ريلي ڪڍي ويئي، جنھن ۾ نوجوانن وڏي انگ ۾ شرڪت ڪئي، ريلي کي خطاب ڪندي مقررين چيو تہ سنڌ جي ثقافت ھزارين سال پراڻي آھي، اسانکي پنھنجي ثقافت تي ناز اھي، جنھن ۾ سنڌي ٽوپي، اجرڪ، ڪھاڙي، پٽڪو اھم نشاني آھي، ھنن چيو تہ اسانجو ثقافتي ڏيھاڙو عيد ڏيھاڙي کان گھٽ ناھي، جنھن کي ھرسال جوش جذبي سان ملھايون ٿا، سنڌي ثقافت ئي سنڌي ماڻھن جي سڃاڻپ آھي. ھوڏانھن جھمپير، جنگشاھي، گجو، گھارو، ڌاٻيچي، ساڪرو، ٻوھارن سميت ٻين علائقن ۾ پڻ ريليون ڪڍي سنڌي ثقافت کي اجاگر ڪيو ويو. جڏھن تہ داٻيجي ۾ نڪرندڙ ريلي ۾ ٽائون ڪميٽي گھارو جي چيئرمين ڄام احسان جوکيو پاران خصوصي طور شرڪت ڪئي ويئي. ساڳي وقت سنڌي يوٿ پٺاڻ جي صدر محمد خان پٺاڻ رحيم خان پٺاڻ جي اڳواڻي ۾ سوين سنڌي يوٿ پٺاڻ جي نوجوانن ڀرپور شرڪت ڪري ايڪتا کي عيد ڏينهن طور ملهايو ۽ سنڌي ٽوپي اجرڪ پائي ريلي ڪڍي سنڌي قومي گيتن تي رقص ڪيو