نوشھروفيروز ۾ بابا گرونانڪ جي جنم ڏينھن بابت ٻن ڏينھن واريون تقريبون شروع

نوشھروفيروز ۾ بابا گرونانڪ جي جنم ڏينھن بابت ٻن ڏينھن واريون تقريبون شروع

نوشهرو فيروز(ڊ ر) بابا گرونانڪ ديوجِي، جَي جنم ڏينهن جون ٻن ڏينهن واريون تقريبون نوشهرو فيروز ۾ شروع ٿي ويون آھن، جنهن ۾ بابا جي ڏولي صاحب کنئي ويئي ۽ پهرين ڏينهن کان ئي پوري سنڌ مان بابا گرونانڪ جي عقيدتمندن جو تاريخي مندر بابا جمناداس اُداسين نوشهرو فيروز ۾ اچڻ شروع ٿي ويو آھي. ان موقعي تي ڳالهائيندي گادي نشين سائين رام داس صاحب چيو ته بابا گرونانڪ ديوجي، ماڻهن جي دِلين ۾ مساوات، مالڪ حقيقيءَ جي عشق ۽ روحانيت جون روشنيون ٻاريون، سندس تعليم جو بنيادي مقصد سماجي انصاف ۽ اخلاقي اصلاح هو. هن چيو ته بابا گرو نانڪ صاحب جي هن ڏهاڙي تي جيڪي به مهمان اچن پيا انهن جي کاڌي، پيتي ۽ رهائش جو مڪمل بندوبست آھي جيڪي تياريون اسان مهينو اڳ شروع ڪري ڇڏيندا آھيون. هن چيو ته اسان جو اولين مقصد سري گرونانڪ شاهه جي تعليم جي باري ۾ معلومات عام ڪرڻ آھي ته جيئن بابا جو پيغام سڀني تائين پهچي ۽ اهي صحيح معنيٰ ۾ ان جي پيغام تي عمل ڪري سگهن ته پندرهين صدي عيسوي ۾ پئدا ٿيندڙ عظيم رهنما انسانيت ۽ صرف انسانيت جو سبق عام ڪيو، جيڪو پيغام ٻين تائين پهچائڻو آھي. هوڏانهن پهرين ڏينهن رات جو ڀڳت ڊاڪٽر سيتل داس ۽ ونود ڪمار ٽنڊو الهيار وارن جي ٽيم ستسنگ ڪيو