ٺٽو: ونڊ پاور ڪمپني جي چوڪيدار تي مبينا حملو

ٺٽو: ونڊ پاور ڪمپني جي چوڪيدار تي مبينا حملو

ٺٽو( ڊ ر) جھمپير لڳ ڳوٺ دادو چانگ جي رھواسي، سفائر ونڊ پاوي ڪمپني جي ملازم چوڪيدار دلشاد چانگ تي ڊيوٽي دوران گھر ايندي سندس تاڙ ۾ بيٺل سندس برادري جي نورل چانگ، حڪيم چانگ ۽ شبير چانگ لٺين ۽ ڪهاڙين سان حملو ڪري کيس سخت زخمي ڪري فرار ٿي ويا، جنھن کي پھريان جھرڪ اسپتال ۽ بعد ۾ حيدراباد اسپتال منتقل ڪيو ويو آھي، جتي سندس حالت ڳڻتي جوڳي ٻڌائي پئي وڃي، جھمپير ٿاڻي تي ٽنھي حملي آور جوابدارن نورل چانگ، حڪيم چانگ ۽ شبير چانگ خلاف ڪيس داخل ڪرايو ويو اھي، پر پوليس اڃان تائين ڪابہ گرفتاري عمل ۾ آڻي ناھي سگھي، ٻئي طرف زخمي دلشاد چانگ جي وارثن سونھارو چانگ ۽ ٻين چيو اھي تہ دلشاد چانگ کي ھڪ سوچيل، سمجھيل سازش تحت مٿس قاتلاڻو حملو ڪري کيس زخمي ڪيو ويو اھي، ھن گھر ڪئي تہ فورن سمورن حملي آور جوابدارن کي گرفتار ڪري کين سخت سزائون ڏنيون وڃن، ھن چيو تہ زخمي دلشاد چانگ کي ڪجھ بہ ٿيو تہ ان جا زميوار اھي حملي آور خود ھوندا.