ضلح ڪائونسل ٿرپارڪر وائيس چيئرپرسن ڪملا ڀيل ڳوٺ گوڙي پھتي، ڀرپور آجيان

views | 16th Nov 2023 • سنڌي خبرون

ضلح ڪائونسل ٿرپارڪر وائيس چيئرپرسن ڪملا ڀيل ڳوٺ گوڙي پھتي، ڀرپور آجيان

مٺي (رپورٽر) ضلح ڪائونسل ٿرپارڪر وائيس چيئرپرسن ڪملا ڀيل ڳوٺ گوڙي پهچي آجياڻي ۾ شرڪت ڪئي انهي موقعي تي ارباب گروپ سان لاڳاپيل ڪامريڊ ملوڪ ڀيل ڏيوجي ڀيل, سائين مٺو ڀيل, سکو مل, سانوڻ ڀيل, گرڌاري, مھيش ڪمار سميت 5 ڳوٺن جي معذزين ڪانجي ڪاريندو ڳوٺ ڳوڙي, الجي چاندرو ڳوٺ ايسي جي ڊاڻي, گلاب موھن ڳوٺ آنٽڙي, سومار, چانپو, خميسو ڳو سرھياري برادري پنھنجي برادري سميت وائيس چئرپرسن ضلح ڪائونسل ٿرپارڪر ڪملا ڀيل تي اعتماد ڪندي پاڪستان پيپلز پارٽي ۾ شموليت اختيار ڪئي انھي موقعي تي ڳوٺ گوڙي ۾ شموليت گڏجاڻي رکي وئي جنھن ۾ ضلع چيئرمين ڊاڪٽر غلام حيدر سميجو, اڳوڻو ايم پي اي قاسم سومرو, اڳوڻو چيئرمين ٽائون ڪميٽي ننگرپارڪر سردار خا کوسو,جنرل سيڪريٽري ننگرپارڪر لالا لجپت ڀيل، چيئرمين يوسي کاريو غلام شاھ ذولفقار علي سمون, مينارٽي ونگ ضلح جنرل سيڪريٽري جنھوارو ڀيل, ڊاڪٽر گلجي مل اوجل, چم جي ڀيل سرھياري, انوپچند ڀيل, ڀڳت ايسرو پٽيل ڀيل کيمپلون ۽ ٻين ٻين وڏي تعداد ۾ شرڪت ڪئي.گڏجاڻي کي خطاب ڪندي ڪملا ڀيل چيو ته ٿرپارڪر جي عوام ڪامياب جلسو ڪري ٿر ۾ تاريخ رقم ڪئي آھي.ڊاڪٽر غلام حيدر سميجو ۽ قاسم سومرو چيو ته پ پ ئي واحد پارٽي آھي جنهن غريب عوام جي خدمت ڪري انهن کي حق ڏنا آھن ٿر ۾ پ پ اڳ جيان هاڻي به ترقي ڏيندي. انشاالله چيئرمين بلاو ڀٽو کي ملڪ جو وزيراعظم ڪنداسين بعد ۾ سيٺ ھرچند ۽ ڊاڪٽر ميوو ڀيل جي چانھ جي دعوت ۾ شرڪت ڪئي.