نصيرآباد ۾ وڌندڙ بدامني خلاف امن ريلي ڪڍي وئي

شهري اتحاد نصيرآباد ۽ شهر جي مختلف سياسي سماجي ڌرين ۽ مذهبي ڌرين طرفان امن ريلي ڪڍي وئي

نصيرآباد ۾ وڌندڙ بدامني خلاف شهري اتحاد نصيرآباد ۽ شهر جي مختلف سياسي سماجي ڌرين ۽ مذهبي ڌرين طرفان امن ريلي ڪڍي وئي آهي جيڪا ريلي مختلف رستن کان ٿيندي پريس ڪلب پهتي. ان موقعي تي اڳواڻن معشوق علي ڦلپوٽو رميش لعل منوج ڪمار عاشق علي ڪلهوڙو دلدار ايري ۽ ٻين چيو ته نصيرآباد پوليس شهر جو امن ڪرائڻ ۾ ناڪام ٿي وئي آھي ڪو به شهري شهر ۾ محفوظ ناهي ڪالهه واپاري منوج ڪمار کان رائس مل تي هٿياربند هٿيارن جي زور تي 17 لک 20 هزار روڪ رقم ۽ هڪ تولي جي سوني منڊي ڦر ڪري ويا آھن 24 ڪلاڪ گذري ويا آھن پر نصيرآباد پوليس ڦورو پڪڙڻ ۾ ناڪام ٿي وئي آھي جڏھن ته سي سي ٽي وي فٽيجن ۾ ڦورو سرعام نظر اچي رهيا آھن پر نصيرآباد پوليس ڦورن سان ٻٽ ٻڻيل آھي جيڪڏھن واپاري هتي محفوظ نه رهيا ته نصيرآباد ۾ واپار ڪير ڪندو اسان واپاري بدامني سبب پريشان آهيون پر نصيرآباد پوليس جي نااهلي جي ڪري ڦرون ٿين ٿيون هنن آء جي سنڌ ڊي آء جي لاڙڪاڻو ۽ ايس ايس پي قمبر کان مطالبو ڪيو ته نصيرآباد شهر ۾ امن بحال ڪرائي واپاري کان ڦر ٿيل روڪ رقم ۽ ٻيو سامان واپس ڪرائي بيچيني ختم ڪئي وڃي نه ته اسان انڊس هاء وي روڊ بلاڪ ڪنداسين .