ڏوڪري ٿاڻي جو ايس ايڇ او غفلت ڪرڻ تي معطل

ڏوڪري ٿاڻي تان ڀڄي ويل جوابدار کي پوليس پڪڙڻ ۾ ناڪام

ڏوڪري( اطهر ميمڻ) نالو وڏو ديهه ويران ڏوڪري پوليس کان جوابدار ڏاڍا ٿي ويا پوليس جي رٽ چئلينج بڻجي وئي ايس ايس پي لاڙڪاڻو نوٽيس وٺندي ايس ايڇ او ڏوڪري کي معطل ڪري ڇڏيو. تفصيل موجب چار ڏينهن اڳ ڏوڪري پوليس جي حراست مان فرار ٿيل جوابدار منشيات فروش گرفتار ڪيو هو، بااثر جوابدارن پوليس تي حملو ڪري منشيات فروش ڇاپي دوران ڇڏائي ويا، ايس ايس پي لاڙڪاڻو سخت نوٽيس وٺندي ايس ايڇ او ڏوڪري نبي بخش ڏاهاڻي کي هڪ حڪم تحت معطل ڪري ڇڏيو،هوڏانهن ذريعن کان مليل ڄاڻ موجب معطل ٿيل ايس ايڇ او نبي بخش ڏاهاڻي ۽ ڪجھ سپاه ذاتي اثر رسوخ استعمال ڪندي جوابدار ڄاڻايل منشيات فروش رياض جتوئي کي پوليس حوالي ڪرڻ لاءِ پڻ جاکوڙ ڪئي پر جوابدار گرفتار نه ٿيڻ ڪري معطل ٿي ويو،فرار ٿيل جوابدار جي فرار ٿيڻ بعد ڏوڪري پوليس سرڪاري مدعيت ۾ 7 جوابدارن خلاف اهڙو ڪيس پڻ ٽي ڏينهن اڳ داخل ڪري ورتو هو جنهن ۾ رياض جتوئي سميت 7 اڻسڃاتل جوابدار شامل آهن، هوڏانهن ميڊيا سان ڳالهائيندي معطل ٿيل ايس ايڇ او نبي بخش ڏاهاڻي چيو ته گذريل جمعي تي ايس ايس پي لاڙڪاڻو جي کليل ڪچهري دوران منشيات فروشن خلاف ڏنل حڪم تحت ڏوڪري پوليس منشيات فروشن خلاف ڪريڪ ڊائون ڪري رياض جتوئي کي گرفتار ڪيو جنهن دوران اتي موجود سندس ساٿين پوليس مٿان حملو ڪري جوابدار کي ڇڏائي فرار ٿي ويا،