تعليم کاتي جي بي حسي جي انتھا، سجاول جو پرائمري اسڪول ورھين کان بند پيل

استاد مقرر نھ ٿيڻ سبب اسڪول ورھين کان بند پيل آھي، ٻارڙن جي تعليم تباھھ ٿي رھي آھي: ڳوٺاڻا

سجاول(رپورٽر)تعليم کاتي سجاول ضلعي ۾ بي حسي جي انتها ڪري ڇڏي ، سجاول ويجھو ڳوٺ نظام ٻارڻ جي پرائمري اسڪول ۾ ڪيتري وقت کان استاد مقرر نه ٿيڻ خلاف شاگردن ۽ ڳوٺاڻن جو احتجاج.ان موقعي تي ڳوٽاڻن محمد ٻارڻ ، محبوب ۔ حاجي عارف ٻارڻ، يوسف ٻارڻ ، صديق ٻارڻ ، فاروق ٻارڻ ۽ ٻين جو چوڻ ھو ته گذريل ٽن سالن کان پرائمري اسڪول محمد حسن ٻارڻ ۾ استاد مقرر نه ٿي سگھيو آھي، استاد نه ھئڻ جون شڪايتون اسان ڪيترا ڀيرا ڪيون آھن پر ڪو ٻڌڻ لاءِ تيار ئي ناهي ، جنھن ڪري ھڪ سؤ کان مٿي اسڪولي شاگردن تعليم جھڙي زيور کان محروم آھن ، جڏهن ته استاد نه ھجڻ ڪري ڪيترائي شاگرد مال چارڻ ۽ زمينن جو ڪم ڪرڻ تي مجبور آھن ، شاگردن ۽ مقامي ڳوٽاڻن، حڪومت سنڌ ،وزير تعليم ،ڊپٽي ڪمشنر سجاول ۽ لاڳاپيل اداري جي اعلا آفيسرن کان مطالبو ڪيو آھي ته لاڳاپيل اداري خلاف نوٽيس وٺي اسڪول تي استاد مقرر ڪري بنيادي سهولتون مهيا ڪيو وڃن ته جئين شاگردن جو مستقبل تباه ٿيڻ کان بچي وڃي.