نوشهروفيروز ضلعي ۾ 5 نومبر تي 4 سيٽن تي بلدياتي ضمني چونڊ ٿيندي: ضلعي اليڪشن ڪمشنر

66 views | 11th Oct 2023 • سنڌي خبرون

تعلقي ڀريا سٽي جي يونين ڪائونسل 37 دليپوٽو ۾ پڻ وائس چيئرمين جي سيٽ تي اليڪشن ٿيندي

نوشهروفيروز (ڊ ر) نوشهروفيروز ضلعي ۾ 5 نومبر تي ٿيندڙ بلدياتي ضمني چونڊن ۾ 4 سيٽن تي چونڊون ٿينديون. ضلعي اليڪشن ڪمشنر خالد احمد مرزا موجب جن سيٽن تي چونڊون ٿي رهيون آهن، تن ۾ تعلقي محرابپور جي يونين ڪائونسل 18 صالح سھتو ۾ ضلعي ڪائونسل جو ميمبر ۽ وارڊ نمبر 2 جو جنرل ڪاٸونسلر۔ ڪنڊيارو تعلقي جی يونين ڪائونسل 11 سومر چنڑ تي وائيس چيئرمين۔ تعلقي ڀريا سٽي جي يونين ڪائونسل 37 دليپوٽو ۾ پڻ وائس چيئرمين جي سيٽ تي اليڪشن ٿيندي۔ ضلعي اليڪشن ڪمشنر چيو ته ان کان اڳ 19 ۽ 20 آڪٽوبر تي نوشهروفيروز ۾ سڌي ريت ضمني چونڊون ٿينديون جنهن ۾ مورو، ڪنڊيارو. ڀرياسٽي شامل آهي. 5 نومبر تي ٿيندڙ چونڊن ۾ حصو وٺندڙ ميمبرن جي حتمي لسٽ 22 آڪٽوبر تي جاري ڪئي ويندي. چونڊن جي حوالي سان سموريون تياريون مڪمل ڪيون ويون آهن ۽ اميد ڪئي پئي وڃي ته سمورين تڪن ۾ چونڊون پرامن ماحول ۾ ٿينديون.