ٺٽي ۾ مبينا قتل ٿيل نوجوان جي وارثن جو عورتن سميت احتجاجي مظاھرو

مھينو اڳ ضمير جوکيو کي اغوا ڪري بيدردي سان قتل ڪيو ويو ھو: وارث

ٺٽو( ڊر) ھڪ مھينو اڳ مڪلي ويجھو مڪلي/جنگشاھي روڊ تي ڪي ڊي اي واھ مان ھٿ آيل لاش جي شناخت بعد پوليس جانچ ۾ گرفتار ڪيل جوابدارن خلاف قانوني ڪاروائي نہ ٿيڻ واري عمل خلاف مقتول نوجوان جي وارثن مڪلي پھچي مڪلي پوليس خلاف دانھيندي مسمات نظيرہ، مسمات عذرا جوکيو، شاھد جوکيو، وڪيل جوکيو ۽ ٻين چيو اھي تہ ھڪ مھينو اڳ اسان جي نوجوان ضمير جوکيو کي اغوا ڪرڻ بعد کيس قتل ڪري سندس لاش ڪي ڊي اي واھ م اڇلايو ويو ھو، جنھن جي لاش کي مقامي ماڻھن ڏسي لاش کي پاڻي مان ڪڍي کين اطلاع ڪيو، جتي ھنن پنھنجي نوجوان ضمير جوکيو جي سڃاڻپ ڪئي، جنھن کانپوء مڪلي پوليس جانچ ڪندي ٽن جوابدارن کي گرفتار ڪري گم ڪري ڇڏيو ھو ھنن چيو تہ مڪلي پوليس ھڪ مھينو گذرن باوجود جوابدارن خلاف ڪابہ قانوني ڪاروائي ڪرڻ لا۽ تيار ناھي، پوليس بااثر ماڻھن جي چرچ تي گرفتار ٿيل جوابدارن خلاف ڪابہ ڪاروائي ڪرڻ توڙي عدالت ۾ پيش ڪرڻ لا۽ تيار ناھي ھنن چيو تہ کين خدشو آھي تہ ڪٿي سندس قتل ڪيل نوجوان جي قتل ۾ ملوث جوابدارن کي پوليس ڇڏي نہ ڏي ھن وس وارن کان گھر ڪئي تہ گرفتار ٿيل جوابدارن خلاف سخت ڪاروائي ڪري کين عدالت ۾ پيش ڪري سندس نوجوان جي خون سان انصاف ڪيو وڃي.