خيرپور جي ناليواري شخصيت ڊاڪٽر غلام مصطفيٰ سھاڳ جي نياڻي جي سياست ۾ انٽري

ريحانھ مصطفيٰ سھاڳ سياسي ميدان ۾ پير پائيندي عام چونڊ وڙھڻ لاءِ پ پ کي ٽڪيٽ لاءِ درخواست ڏئي ڇڏي

خيرپور (رپورٽر) خيرپور جي نامور شخصيت ڊاڪٽر غلام مصطفي سهاڳ پنهنجي نياڻي ريحانا مصطفي سهاڳ کي عملي طور سياسي ميدان لاهي ڇڏيو آهي، ريحانا مصطفي سهاڳ پرڏيھ مان اعلي تعليم مڪمل ڪرڻ بعد خيرپور ضلعي جي ڪنگري واري تڪ ايندڙ عام چونڊون وڙهڻ لاءِ پيپلز پارٽي کي ٽڪيٽ ڏيڻ لاءِ درخواست ڏئي ڇڏي آهي، ياد رهي ته هن صوبائي تڪ تان گذريل عام چونڊن پير صاحب پاڳاري جي صاحب زادي پير محمد راشد شاھ راشدي پ پ جي نواب علي وساڻ کي شڪست ڏئي چونڊ کٽي هئي، رابطو ڪرڻ تي ريحانا مصطفي سهاڳ جي والد ،ڊاڪٽر غلام مصطفي سهاڳ سندس نياڻي جي طرفان چونڊن ۾ ڀرپور حصو وٺڻ جي تصديق ڪندي چيو ته جيڪڏهن پارٽي ٽڪيٽ ڏيندي ته اسان ضرور اليڪشن رهنداسين ۽ منهنجي نياڻي اعلي تعليم يافته ۽ باصلاحيت آهي، جيڪا اليڪشن ۾ حصو وٺي صوبائي سيٽ چونڊ وڙهڻ لاءِ تيار آهي