شڪارپور ۾ قومپرست اڳواڻ افضل لنڊ جي قتل خلاف جيئي سنڌ جي محاذ جي سڏ تي ريلي

ڪامريڊ اسدالله سومرو، عمران منگي، ڪامريڊ احسان جيهو، مير ھڪڙو، سرمد بروھي ۽ ٻيا ريلي ۾ شريڪ

شڪارپور ( احسان ابڙو )ڪي اين شاھ جي ڳڀرو نوجوان افضل لُنڊ جي قتل خلاف شڪارپور ۾ جيئي سنڌ محاذ طرفان ميراڻي باغ کان شڪارپور پريس ڪلب تائين احتجاجي ريلي ڪڍي وئي، جتي جسم مرڪزي اڳواڻ ڪامريڊ اسدالله سومرو، ڊويزنل اڳواڻ عمران منگي، ڪامريڊ احسان جيهو، مير ھڪڙو، سرمد بروھي گلاب جعفري۔آصف ڀيو۔واجد شيخ ۔مهراڻ ديشي ۽ ٻين چيو ته شعور رکندڙ نوجوان افضل لنڊ جو قتل اسين سمجهون ٿا ته اهو سنڌ جي شعور جو قتل آهي ۽ ان قتل جي سخت لفظن ۾ مذمت ڪريون ٿا هنن وڌيڪ چيو ته واقعي کي ٽي ڏينهن گذري ويا آهن پر پوليس قاتلن کي گرفتار ناهي ڪري سگهي هنن چيو ته شهيد افضل لنڊ کي ڪجه عرصو اڳ ۾ کنڀي گم ڪري عدالت ۾ پيش ڪيو هيو جتي عدالت سڳوري کيس آزاد ڪري ڇڏيو هنن اعلي اختيارين کان گهر ڪئي آهي ته جوابدارن کي فل فور گرفتار ڪري کين سزا ڏياري وڃي