نوشھروفيروز جي نجي ميڊيڪل سينٽر ۾ مبينا غلط آپريشن سبب عورت جي حالت خراب

عورت جي وارثن پاران ڊاڪٽر ابراهيم ميمڻ خلاف احتجاجي مظاهرو

نوشھروفيروز(ڊ ر) نوشھروفيروز ۾ قائم نجي ميڊيڪل سينٽر جو انچارج ڊاڪٽر ابراهيم ميمڻ ويم لاء ايندڙ عورتن جا آپريشن پاڻ ڪرڻ لڳو۔ سرجن ڊاڪٽر ۽ گائنولاجسٽ نه هجڻ ڪري ميڊيڪل سينٽر تي ويم لاء ايندڙ عورت جو غلط آپريشن ڪري مرڻينگ ڪري ڇڏيو۔ مريض ڳڻتي جوڳي حالت ۾ نوابشاه ريفر۔ وارثن جو ڊاڪٽر خلاف ٻئي ڏينهن به احتجاج۔ هيلٿ ڪيئر ڪميشن کان رابعه سينٽر کي تالو هڻي ڊاڪٽر مٿان ڪيس داخل ڪرڻ جو مطالبو۔ ڳوٺ مٺاخان مري جي رهواسين عبدالحڪيم مري۔ غلام فريد۔ منصور۔ ربنواز مري ۽ ٻين صحافين آڏو دانهون ڪندي چيو ته ڊاڪٽر ابراهيم ميمڻ اسان جي عورت جو غلط آپريشن ڪري مرڻينگ ڪري ڇڏيو آھي۔ آپريشن کان پوء عورت جي حالت تمام خراب ٿي وئي آھي ڊاڪٽر ابراهيم ميمڻ روزانو اسان کي دلاسا ڏيندو رهيو لکين رپيا خرچ ڪرائڻ کان پوء چيائين ته مريض کي هتان کڻي وڃي جنهن کان پوء اسان مريض کي نوابشاه کڻائي آيا آهيون جيڪا زندگي ۽ موت جي ڪشمڪش ۾ مبتلا آھي۔ ڳوٺاڻن چيو ته جيڪڏهن اسان جي مريض کي ڪجه ٿيو ته ان جو ڪيس ڪاسائي ڊاڪٽر ابراهيم ميمڻ تي داخل ڪيو ويندو۔ متاثرين هيلٿ ڪيئر ڪميشن کان مطالبو ڪيو ته رابعه ميڊيڪل سينٽر کي تالو هڻي ڊاڪٽر ابراهيم ميمڻ خلاف ڪيس داخل ڪيو وڃي۔