سجاول ۾ نوجوان اتحاد جي سڏ تي ڳاٽي ٽوڙ مهانگائي خلاف شٽربند هڙتال ۽ ڌرڻو

نوجوان اتحاد جي سڏ کي واپارين موٽ ڏيندي پنھنجا ڪاروبار مڪمل طور بند ڪري ڇڏيا

سجاول (رپورٽر) سجاول جي جاتي چوڪ شهر ۾ تي ھٿرادو ڳاٽي ٽوڙ مهانگائي خلاف نوجوان اتحاد جي سڏ تي شٽربند هڙتال مظاهرو ۽ ڌرڻو، سڄي سنڌ جيان سجاول ويجهو جاتي چوڪ تي نوجوان اتحاد جي سڏ تي واپارين موٽ ڏيندي پنھنجا مڪمل ڪاروبار بند ڪري ڇڏيا،جاتي چوڪ شھر مان احتجاجي مظاهرو ڪري ڪراچي بدين مين روڊ تي ڌرڻو ھنيو ويو ھزارين ماڻھون روڊ تي نڪري آيا نااھل حڪمرانن ۽ ھٿرادي ڳاٽي ٽوڙ منھگائي خلاف سخت نعريبازي ڪئي وئي ھن موقعي تي مظاهرين حڪومت کان مطالبو ڪندي چيو ته تيل ۽ ٻين کاڌي پيتي جي شين جا ھڪدم اگھ گھٽائي عوام کي بچايو وڃي ٻي صورت ۾ احتجاج جو دائرو اڃان وسيع ڪيو ويندو، احتجاج جي اڳواڻي راجا نواز ملاح، محمد اسماعيل جت، زوار ابراهيم کوڙ، حسين سنڌي رند، لونگ جت, ابو طالب رند، عبدالرشيد سولنگي، آزاد امير خاصخيلي، الطاف کوڙ، علي حسن رند ۽ ٻين ڪئي،