شڪارپور ضلعي ۾ وڌندڙاغوا، ڦرن ۽ ڌاڙن خلاف احتجاجي ريلي ۽ ڌرڻو

شڪارپور ضلعي اندر ورهين کان قبيلائي جهيڙا جاري آهن، جنهن سبب هڪ ٻئي جا سوين ماڻهو قتل ٿي چڪا آھن

شڪارپور( احسان ابڙو) شڪارپور ضلعي اندر وڌندڙ بدامني۔ دهشتگردي۔ ڏينهن جو ڌاڙا ، ڦرون۔ معصوم نياڻيون۔ ٻار ۽ سنڌ واسن جو اغوا ڪاري خلاف اسٽيپ فائونڊيشن سنڌ ضلعي شڪارپور طرفان احتجاجي ريلي ڪڊي وئي ريلي ۾ شڪارپور جي سياسي سماجي اقليتي تنظيمن جي اڳواڻن ۽ ڪارڪنن وڏي انگ ۾ شرڪت ڪئي۔ احتجاجي ريلي جي اڳواڻي اسٽيپ فائونڊيشن سنڌ جي چيئرپرسن ميڊم شائسته بلوچ ۔ ولي محمد ڀيو۔فريد فاروقي۔ امتياز حسين ميراڻي۔ رياض احمد ميراڻي۔رئيس منير احمد ڀٽو پاران ڪئي وئي احتجاجي ريلي جهاز چوڪ کان شڪارپور پريس ڪلب تائين ڪڊي وئي ان موقع تي سياسي سماجي اڳواڻن زاهد خان پهڙ۔ اعجاز ڪاڪيپوٽو۔ علي اصغر پهوڙ ۔ اعجاز اڪيپوٽو۔ الاهي بخش شيخ۔۔ غلام مرتضي' مهر۔ ڪامريڊ اسدالله سومرو۔ عبدالسميع لالي۔ صوفي لياقت علي بجاراڻي۔ فنڪار امان الله جمالي۔ عمران علي منگي۔ اياز لطيف مهر۔ سڌ امن ڪاميٽي۔ سعيد سومرو ۔ عبدالصمد جتوئي۔ مقصود ميراڻي۔ عبدالحليم سومرو۔ بشير احمد اشپيشل ونگ۔ منير احمد ڀٽو ۽ ٻين خطاب ڪيو ريلي کي صدارتي خطاب ڪندي ميڊم شائسته بلوچ چيو ته شڪارپور ضلعي اندر ڪيترن ئي سالن کان قبيلائي جهيڙا هلي رهيا آھن جن جهيڙن سبب هڪ ٻئي جا سوين ماڻهو قتل ٿي چڪا آھن ۔ قبيلائي تڪرارن کي روڪڻ لاء اسانجي علائقن جا وڏيرا ۽ انتظاميه جي سچائي نه آھي۔ اگر اهي دلچسپي وٺن ته قبيلائي جهيڙا ختم ٿي سگهن ٿا۔ جڏهن ته ضلعي جو عوام بدامني جي باه ۾ سڙي رهي آھي روزانو ڏينهن ڏٺي جو گهرن۾ دوڪانن۾ ڌاڙا هنيا وڃن ٿا ڪا به گهٽي روڊ رستا محفوظ نه آھن ڦرلٽ سرعام ٿي رهي آھي