شاگردن جي امتحاني پيپرن ۽ مارڪنگ جي فرسوده ۽ ناقص نظام کي جديد ٽيڪنالاجي سان معياري بڻايو وڃي: سيد ذوالفقار علي شاهه
ميرپورخاص (بيورو رپورٽ) ميرپورخاص تعليمي بورڊ جي چيئرمين سيد ذوالفقار علي شاهه جي صدارت هيٺ امتحاني سڌارن بابت جامع اجلاس اجرڪ هال ۾ منعقد ٿيو. اجلاس ۾ تعليمي بورڊ ميرپورخاص سان لاڳاپيل ڊگري ڪاليجن، هائير سيڪنڊري اسڪولن ۽ پرائيويٽ ادارن جي معززن، سب ايگزامنرز، مرد توڙي عورت پروفيسرن، ماهرن ۽ استادن شرڪت ڪئي. اجلاس کي خطاب ڪندي تعليمي بورڊ جي چيئرمين سيد ذوالفقار علي شاهه چيو ته شاگردن جي امتحاني پيپرن ۽ مارڪنگ جي فرسوده ۽ ناقص نظام کي جديد ٽيڪنالاجي سان معياري بڻايو وڃي.امتحاني پيپرز کي جاگرافيائي رڪاوٽن کان سواءِ وڌيڪ معياري ۽ مربوط ڪيو ويندو، موجوده بورڊ جو امتحاني نظام صرف شاگردن جي يادگيري کي جانچي ٿو نه سمجھڻ جي. اهڙا امتحاني پيپر تيار ڪيا وڃن جن ۾ ڪاپي جي گنجائش نه هجي ته جيئن شاگردن جي ڪارڪردگيءَ جو صحيح اندازو لڳائي سگهجي. موجوده مارڪنگ سسٽم ناقص، غير منصفانه ۽ جانبدار آهي ۽ دنيا جي ڪنهن به علائقي ۾ استعمال نه ڪيو ويو آهي ۽ فوري طور تي تبديل ڪرڻ جي ضرورت آهي. امتحانن جي اصلاح لاءِ ضروري اهو فيصلو ڪيو ويو آهي ته ان کي جديد اصولن مطابق ٻيهر تعمير ڪيو وڃي ۽ انساني مداخلت کي رد ڪيو وڃي. جديد ٽيڪنالاجي جي محفوظ آن لائن ويب پورٽل ذريعي سوالن جي اليڪٽرانڪ ورهاست، معياري سوال پيپر جي تياري لاءِ سوالن جي آئٽمز بئنڪ ۽ منصفاڻي ۽ شفاف عمل جي لاءِ ڊجيٽل حاضري مانيٽرنگ سسٽم تي عمل ڪرڻ تي صلاح مشورو ڪيو پيو وڃي. موجوده تعليمي بورڊ جي ماحول سياسي ۽ سماجي دٻاءُ جو شڪار آهي. اسان وٽ سائنس ۽ ٽيڪنالاجي ٻئي ترقي يافته آهن، ضرورت آهي ارادن ۽ ترجيحن ۾ تبديلي جي. تعليمي بورڊ جي چيئرمين سيد. ذوالفقار علي شاهه موجب بورڊ جو پنهنجو امتحاني نظام ۽ معيار آهي ٽيڪنالاجي جي بهترين استعمال کي بهتر بڻائڻ لاءِ مسلسل ڪوششون ڪري رهيو آهي شاگردن ۽ شاگردياڻين جي بهترين طريقي سان خدمت ڪرڻ بورڊ جي اولين ترجيح آهي. ان نيت سان، BISE ميرپورخاص درس ۽ تدريس جي معيار کي بهتر بڻائڻ لاءِ امتحاني نظام کي بهتر بڻائڻ لاءِ جامع امتحاني سڌارن جو پروگرام لاڳو ڪيو آهي
0 تبصرے