ڊپٽي ڪمشنر سجاول طاهر علي ميمڻ جي هدايتن تي اسسٽنٽ ڪمشنر جا دڪانن ۽ گودامن تي ڇاپا

views | 24th Aug 2023 • سنڌي خبرون

اسسٽنٽ ڪمشنر فاطمه صائمه احمد پاران مختلف دڪانن، رائس ملن ۽ زرعي شين جي گدامن تي ڇاپا هنيا ويا

ڊپٽي ڪمشنر سجاول طاهر علي ميمڻ جي هدايتن تي اسسٽنٽ ڪمشنر جا دڪانن ۽ گودامن تي ڇاپا

سجاول(گلشيرميربحر) ڊپٽي ڪمشنر سجاول طاهر علي ميمڻ جي هدايتن تي اسسٽنٽ ڪمشنر سجاول فاطمه صائمه احمد ۽ ايگريڪلچر اينڊ مارڪيٽنگ ڪميٽي ضلعي ٺٽي ۽ ضلعي سجاول جي انچارج الله ڏنو ٿيٻو جون مختلف دڪانن، رائس ملن ۽ زرعي شين جي گدامن تي اچانڪ ڇاپو ھنڻي ذخيرو ڪندڙ يوريا ڀاڻ جي واپارين خلاف ڪارروائي ڪري ڏنڊ وڌو ,جڏھن ته ڇاپي دوران ھڪ ٽرالر تحويل ۾ وٺي ڇڏيو جنھن ۾ 12 سئو ٻوريون يوريا ڀاڻ سان ڀريل ھيون جنھن کي محفوظ ھنڌ تي منتقل ڪري سرڪاري اگھ تي وڪرو ڪرايو ويندو انھيءَ موقعي اسسٽنٽ ڪمشنر سجاول فاطمه صائمه احمد ۽ ايگريڪلچر اينڊ مارڪيٽنگ ڪميٽي ضلعي ٺٽي ۽ ضلعي سجاول جي انچارج الله ڏنو ٿيبو ميڊيا سان ڳالهائيندي چيو ته سڄي سنڌ جيان سجاول ضلعي ۾ يوريا ڀاڻ جي تمام گھڻي کوٽ پيدا ٿي رھي آھي جڏھن ته سجاول ضلع ۾ واپارين پاران يوريا ڀاڻ جا ھٿ ٺوڪيا ريٽ مقرر ڪري بليڪ تي وڪرو تي رهيا آھن،اسان کي آبادگارن پاران شڪايتون مليون ھيون جنھن سبب اسان عوامي شڪايتن جو نوٽيس وٺندي ڇاپا هنيا آهن، هڪ ٽرالر کي12 سؤ يوريا ڀاڻ سان ڀريل تحويل ۾ ورتو ويو آهي، جيڪو سرڪاري اگهه تي وڪرو ڪرايو ويندو.بليڪ ۾ ڀاڻ وڪرو ڪندڙ دڪاندارن خلاف قانوني ڪارروائي ڪئي ويندي انھن وڌيڪ چيو آهي ته سجاول ضلعي جي آبادگارن کي ريليف ڏيارڻ اسان جو اولين فرض آهي ۽ عوام کي گھرجي ته سرڪاري اگھ تي ڀاڻ جي خريداري ڪن، وڌيڪ اگھ وٺندڙ بليڪ مافيا خلاف شڪايتون اسان تائين پهچائيندا تہ اسان کي انھن خلاف قانوني ڪارروائي ڪنداسين انھيءَ موقعي تي نياز محمد کوسو،فرحان موڙاھي، علي ميمڻ، الطاف ميمڻ، ڏاڏا جهتيال ۽ ٻيا پڻ موجود ھئا.