چیف جسٹس کرپشن میں ملوث شخص کے لیے اپنا کیرئیر خطرے میں ڈال رہے ہیں، نواز شریف

چیف جسٹس توشہ خانہ القادر ٹرسٹ سے کرپشن میں ملوث شخص کو بچانے کے لیے سرگرم ہیں

لندن (ویب ڈیسک) مسلم لیگ ن کے قائد اور سابق وزیراعظم نواز شریف نے الزام عائد کیا ہے کہ چیف جسٹس توشہ خانہ القادر ٹرسٹ سے کرپشن میں ملوث شخص کو بچانے کے لیے سرگرم ہیں۔ لندن میں صحافیوں سے بات کرتے ہوئے نواز شریف نے کہا کہ چیف جسٹس عمران خان کو بچانے میں مصروف ہیں، وہ جانتے ہیں کہ یہ شخص کرپٹ ہے اور پاکستان کو تباہ کر دیا ہے، اس نے اپوزیشن میں احتجاج اور دھرنوں کے علاوہ کچھ نہیں کیا، آؤ کوئی کسر نہیں چھوڑیں گے۔ . ان کے مطابق یہ شخص دھرنوں کے دوران کہتا تھا کہ نواز شریف کے گلے میں رسی ڈال کر انہیں باہر نکالوں گا، چوہدری نثار کا ریکارڈ موجود ہے کہ نواز شریف، مریم نواز کو جیل میں ڈالا جائے اور عمران خان کو لایا جائے، انہوں نے یہ بھی کہا کہ یہ ان لوگوں کا فیصلہ ہے، یہ کون تھے؟ جنرل باجوہ اور جنرل فیض تھے۔ انہوں نے کہا کہ سپریم کورٹ کے سابق چیف جسٹس نے ہمارے خلاف کچھ نہیں کیا، اندر سے گواہیاں آرہی ہیں، جسٹس شوکت صدیقی سینئر جج تھے، ان کی گواہی سے بڑھ کر کیا ہو سکتا ہے۔