سکر ۾ هندو پنچائت طرفان سيرو رام درٻار ۾ شهيد جان محمد مهر کي شرڌانجلي پيش

238 views | 18th Aug 2023 • سنڌي خبرون

شهيد صحافي جان محمد مهر جي ياد ۾ ڪوٺايل تعزيتي ميڙاڪي ۾ هندو ڪميونٽي جي وڏي انگ ۾ شرڪت

سکر(بيورو)هندو پنچائت سکر طرفان سيرو رام درٻار ۾ شهيد جان محمد مهر کي شرڌانجلي (ڀيٽا) پيش ڪئي وئي. شهيد صحافي جان محمد مهر کي ياد ۾ هندو پنچائت طرفان ڪوٺايل تعزيتي ميڙاڪي ۾ هندو ڪميونٽي جي وڏي انگ شرڪت ڪئي. هندو پنچائت سکر جي صدر ايشور لال ۽ ٻين جو چوڻ چوڻ ھو تھ شهيد جان محمد مهر هندو ڪميونٽي جي سگهاري آواز هيو. ڏک، سک جو ساٿي، همدرد ۽ مسيحائي انسان هيو. شهيد جان محمد مهر جي بي رحماڻي قتل سان سکر سميت پوري سنڌ جو نقصان ٿيو آهي. افسوس پنج ڏينهن گذرڻ باوجود ڪيس ۾ ڄاڻايل مک جوابدارن کي پوليس گرفتار ڪرڻ ۾ ناڪام آهي. چيف جسٽس آف پاڪستان، آرمي چيف ۽ لاڳاپيل اختياريون نوٽيس وٺي مک قاتلن گرفتار ڪري انهن جي پٺيان ڳجها هٿ ظاهر ڪري کين عبرتناڪ سزا ڏني وڃي.