ڏهرڪي ۾ پورهيتن تي گڊز ٽرانسپورٽرن ۽ ٺيڪيدارن جي تشدد خلاف احتجاج

پورهيتن تي تشدد ڪندڙن خلاف پوليس ڪيس داخل ڪرڻ لاءِ تيار ناهي، نوٽيس ورتو وڃي: مظاهرين

ڏهرڪي (نويد چغتائي ) ڏهرڪي پوليس پاران پورهيتن مٿان تشدد ڪندڙ اينگرو ڀاڻ فيڪٽري جي گڊز ٽرانسپورٽ جي مالڪن ۽ ٺيڪيدارن خلاف ڪيس داخل نه ڪرڻ خلاف پورهيتن جو احتجاج ايس ايس پي گهوٽڪي ۽ اعلي اختيارين کان انصاف فراهم ڪرڻ جو مطالبو خبر موجب ڏهرڪي پوليس پاران پورهيتن مٿان تشدد ڪندڙ اينگرو ڀاڻ فيڪٽري جي گڊز ٽرانسپورٽ جي مالڪن ۽ ٺيڪيدارن خلاف ڪيس داخل نه ڪرڻ خلاف پورهيتن پاران ٿاڻي آڏو احتجاجي مظاهرو ڪيو ان موقعي تي پورهيتن رضوان ڀٽو، محمد اسلم سومرو ۽ ٻين چيو ته هڪ هفتو اڳ اينگرو ڀاڻ فيڪٽري جي گذز ٽرانسپورٽ مالڪن سنڌ حڪومت پاران گهٽ ۾ گهٽ مقرر ڪيل 25 هزار اجرت گهرڻ تان بنا جواز 18 پورهيتن کي نوڪرين تان برطرف ڪيو جنهن بعد احتجاج ڪرڻ تي اينگرو ڀاڻ فيڪٽري جي بااثر ٺيڪيدارن تشدد ڪري پورهيت ظهور احمد کي زخمي ڪيو هو جنهن بعد بااثر ٺيڪيدارن ۽ سندس وينگارو بڻيل ڏهرڪي پوليس خلاف پنهنجي وڪيل معرفت سيشن ڪورٽ گهوٽڪي جي عدالت ۾ پٽيشن داخل ڪرائي جنهن تي سيشن جج جي عدالت اسان سان انصاف ڪندي پورهيت ظهور مٿان تشدد ڪندڙ بااثر ٺيڪيدارن مٿان ڪيس داخل ڪرڻ جو حڪم ڏنو آهي پر ڪورٽ جي حڪم باوجود ايس ايڇ او ڏهرڪي ظهير ڀٽو اينگرو ڀاڻ فيڪٽري جي گذز ٽرانسپورٽ ۽ بااثر ٺيڪيدارن جو وينگار وهندو اسان جو ڪيس وٺڻ کان انڪار ڪندي اسان کي ڌڪا ڏئي ٿاڻي تان ڪڍي ڇڏيو آهي انهن ايس ايس پي گهوٽڪي ۽ اعلي اختيارين کان مطالبو ڪيو ته پورهيت مٿان تشدد ڪندڙ بااثر ٺيڪيدارن مٿان ڪيس داخل ڪري پورهيتن سان انصاف ڪيو وڃي