دادو ۾ ڊپٽي ڊائريڪٽر پولٽري ڄامشورو پاران ڊاڪٽر ڪبير احمد شيخ جي مان ۾ آجياڻو

آجياڻي ۾ ڊپٽي ڊائريڪٽر ڊاڪٽر سيد افتخار حسين شاه، ڊاڪٽر اشفاق قريشي، ڊاڪٽر ارشاد علي ۽ ٻيا شريڪ

دادو (عبدالعزيز ٻٻر) دادو ڊپٽي ڊائريڪٽر پولٽري پراڊيڪشن ڃامشورو پاران ڊاڪٽر ڪبير احمد شيخ کي آجياڻو پيش ڪيو ويو جنهن ۾ ضلع ڃامشوري جي اسٽاف سميت جنهن ۾ ڊپٽي ڊائريڪٽر ڊاڪٽر سيد افتخار حسين شاه ، ڊاڪٽر اشفاق قريشي، ڊاڪٽر ارشاد علي ، ڊاڪٽر حنا جوکيو، ڊاڪٽر سرور ڏيرو، عبدالحميد ناريجو ۽ نئون مقرر ڪيل اڪائونٽنٽ حبيب الله پنهور به آجياڻو ۾ شرڪت ڪئي ان موقعي تي آجياڻي واري تقريب کي خصوصي خطاب ڪندي ڊائريڪٽر پولٽري پراڊڪشن سنڌ ۽ عابد حسين لاکير، ڊپٽي ڊائريڪٽر اڪائونٽس پولٽري سنڌ سيد افتخار حسين شاھ، ڊپٽي ڊائريڪٽر پولٽري ڃامشورو جا ٿورا مڃيا ۽ اسٽاف کي تاڪيد ڪندي چيو ته هو پنهنجي ڊيوٽي فرض شناسي سان ادا ڪن ته بدلي ٿيڻ سرڪاري ملازم جو ڏاج هوندو آهي ۽ ان ملازم جو وڌيڪ تجربو ۽ شعور پيدا ٿيندو آهي ملازم جو پنهنجي کاتي سان سٺو اخلاق ۽ محبت سان گڏجي ڪم ڪرڻ گهرجي جيئن انهن جي وڃڻ کان پوء انهن کي سٺن لفظن ۾ ياد ڪيو وڃي ان موقعي تي اسٽاف پاران آيل مهمانن کي سنڌ جي سوکڙي اجرڪ جا تحفا پيش ڪيا ۽ گلن جا هار پڻ پارايا