ڊپٽي ڪمشنر سجاول پاران سنڌو درياءَ جي مختلف بچاء بندن جو دورو

ڊپٽي ڪمشنر طاھر علي ميمڻ پاڻيءَ جي وهڪري ۽ ٻي سموري صورتحال جو جائزو ورتو

سجاول (گلشيرميربحر) ڊپٽي ڪمشنر سجاول پاران سنڌو درياءَ جي مختلف بچاء بندن جو دورو ، پاڻيءَ جي وهڪري ۽ ٻي تمام تر صورتحال جو جائزو , نيشنل ڊزاسٽر مينيجمينٽ اٿارٽي ۽ پرونشل ڊزاسٽر مينيجمينٽ اٿارٽي پاران جاري ڪيل ھاء الرٽ جي پيش نظر ڊپٽي ڪمشنر طاھر علي ميمڻ ايڪسيئين آبپاشي فريد ميمڻ ۽ ٻين لاڳاپيل کاتن جي عملدارن سان گڏ سنڌو درياءَ جي سورجاڻي ، منارڪي ، ڪوڪا واري ۽ ڪوٽ عالمون جي ھنڌن تي بچاء بندن جو دورو ڪري پاڻيءَ جي وهڪري ۽ ٻي صورتحال جو جائزو ورتو - ان موقعي تي آبپاشي کاتي جي عملدارن ۽ انجنيئرن ڊپٽي ڪمشنر کي پاڻي جي وھڪري ۽ بندن جي جي صورتحال تي تفصيلي بريفنگ ڏني - ھن آبپاشي کاتي ۽ ٻين لاڳاپيل عملدارن کي ھدايت ڪئي ته ھو حساس ۽ ڪمزور حفاظتي بندن جي نشاندهي ڪري انھن جي جي مرمت ۽ چوويھ ڪلاڪ نگرانيءَ کي يقيني بڻايو وڃي - ان ڏس ۾ ڪنهن به قسم جي غفلت ۽ ڪوتاهي ھر گز برداشت نه ڪئي ويندي - ھن چيو ته ڪنهن به جڳهه تي پٿرن ۽ پچنگ يا ٻي ڪنهن مٽيريل جي ضرورت ھجي ته فوري طور تي گھرائي بندن کي محفوظ بڻايو وڃي ته جيئن ڪنهن به قسم جي امڪاني اڻوڻندڙ صورتحال کان بچي سگهجي -