ٺٽي ۾ آپڪا اڳواڻن ۽ سول اسپتال جي ملازمن جي نئين سول سرجن سان گڏجاڻي

سول سرجن سيد محمد يامين شاھ کي سنڌ جي سوکڙي لونگين، اجرڪن سان گڏ گلاب جي گلن جا تحفا پيش ڪيا ويا

ٺٽو(ڊر) آپڪا ھيلٿ ونگ ضلعي ٺٽي جي اڳواڻن ۽ صحت کاتي سول اسپتال ٺٽو جي ملازمن حاجي اشرف خشڪ، عبدالڪريم ڀاند، حاجي اسد خشڪ، حاجي ابراھيم سميجو، بابو ھدايت الله فاضلاڻي، انور جاکرو، عبدالعزيز پليجو، منظور چانڊيو، شاھنواز خشڪ، رئيس مظھر جاکرو، حاجي اعجاز مغل، بچل پنھور، احمد علي خاصخيلي، لياقت عباسي، علي اصغر جاکرو، مقصود احمد سرڪي، رحمت الله جوکيو، رحمت الله ميمڻ، معشوق پنھور، سڪندر ميمڻ، محمد قاسم جوکيو ۽ ٻين پاران نئين آيل سول سرجن سول اسپتال ٺٽو سيد محمد يامين شاھ سان تعارفي گڏجاڻي ڪري کيس سنڌ جي سوکڙي لونگين، اجرڪن سان گڏ گلاب جي گلن جا تحفا پيش ڪري کين ساڻن گڏ ڪم ڪرڻ جي يقين ڌياني ڪرائيندي چيو تہ ھنن ھميشہ سول اسپتال مڪلي جي بھتري توڙي ايندڙ مريضن کي صحت جون بھتر سھولتون ڏيارڻ لاء جاکوڙي جدوجھد جي ميدان ۾ بہ رھيا آھن، پر ھاڻي ڪجھ وقت کان وٺي کين ڪم ڪرڻ جو بھتر موقعو ملي ناھي سگھيو، جنھن ڪري ھو مايوسي جو شڪار بڻيل اھن، پر ھو اڄ سول سرجن ٺٽو سان واعدو ٿا ڪن تہ ھو اڳ جيان پنھنجون بھتر ذميواريون نڀائي سول اسپتال ٺٽو جي بھتري لاء ڪم ڪندا رھندا، ان موقعي تي نئي آيل سول سرجن ٺٽو سيد محمد يامين شاھ چيو تہ ھو صحت کاتي جي ملازمن سان ھر موڙ تي گڏ آھي، سندن جيڪي بہ خدشا آھن، اھي بہ دور ڪيا ويندا، ھن چيو تہ صحت کاتي سول اسپتال ٺٽو جا آفيسر ۽ ملازم ھڪ ٻئي جي طاقت آھن، آء ان طاقت کي ڪمزور ڪرڻ نٿو چاھيان، مونکي اميد آھي تہ اسانجي گڏيل طاقت سان پنھنجي اداري کي اڃان بہ وڌيڪ مضبوط ڪري جيڪي بہ خاميون ھونديون انھن کي دور ڪيو ويندو، ھن چيو تہ ھو صحت کاتي جي سمورن ملازمن جو ٿورائتو آھي، جن کيس ھيڏو سارو مان ڏنو اھي، ھن چيو تہ سول اسپتال ٺٽي جي بھتري ۽ ڀلائي لاء آخري دم تائين پنھنجون ذميواريون نڀائيندا رھنداسين.ان موقعي تي ڊاڪٽر گيانچند، مرف جو انچارچ آدم ملڪ، ڊاڪٽر دائود ھيلايو، شھزاد گوپانگ ۽ بيا پڻ موجود ھئا.