نوشھروفيروز ۾ پ پ جي سڏ تي ريلي ڪڍي وئي

اسان پنھنجي درياءَ جي مرڻ گھڙي تائين حفاظت ڪنداسين: اڳواڻ

نوشهروفيروز(ڊ ر)سنڌ جي جياپي درياءَ بادشاھ جي پاڻي تي هندستان پاران ڌاڙي خلاف پاڪستان پيپلزپارٽي ضلعي نوشهروفيروز جي ڪارڪنن،ورڪرن،جيالن پاران هڪ وڏي ريلي ڪڍي پريس ڪلب نوشهروفيروز آڏو احتجاجي مظاهرو ڪري سخت نعريبازي ڪئي وئي۔ان موقعي تي پ پ ضلعي صدر سهيل اختر عباسي،وقاص سومرو،نور مورو،اصغر وسير،پير خالد،سادات ڏاهري،غضنفر راڄپر،پير رڪن الدين قريشي،نواب مري،نوح پنهور،لالا توفيق چانڊيو،لالا شوڪت چانڊيو،حبيب اللٌه چنه،عبيداللٌه راڄپر ۽ ٻين چيو ته اسان جي سسي ۾ جيسيتائين ساھ آهي تيسيتائين اسان پنهنجي درياءَ جي مرڻ گهڙي تائين حفاظت ڪنداسين هنن هندستان کي چتاءٗ ڏيندي چيو ته جيڪڏهن هو حرڪتن کان باز نه آيو ته احتجاج جو دائرو پوري ملڪ تائين وڌايو ويندو۔