ڀريا روڊ واسي عمران گوري جو نوشھروفيروز ۾ احتجاج

نوشهرو فيروز (ڊر) ڀريا روڊ جي رهواسي عمران گوري پريس ڪلب نوشهرو فيروز اڳيان احتجاج ڪندي چيو ته سندس شادي کي ڏهه سال ٿي چڪا آهن ۽ کيس ٽن ٻارن جو اولاد آهي.۔گهريلو اختلافن سبب سندس گهرواري عائشه ملڪ پنهنجي مائٽن وٽ هلي وئي، جنهن بعد بهلاڻي جي رهواسي وڪيل شبير احمد ملڪ سندس گهرواري کي ورغلائي سندس خلاف استعمال ڪري رهيو آهي. وڪيل کيس فون ذريعي موتمار ڌمڪيون ڏنيون آهن، جن جا ثبوت به وٽس موجود آهن. هن ٻڌايو ته وڪيل جي ڌمڪين خلاف هن نوشهرو فيروز جي عدالت ۾ 22-A ۽ 22-B تحت درخواست داخل ڪئي آهي. جڏهن هو پنهنجي درخواست جي سلسلي ۾ ڊي ايس پي ڪمپلين سيل وٽ پيش ٿيو ته اتي به وڪيل شبير احمد ملڪ ۽ ڊي ايس پي فياض ڏاهري ساڻس گهٽ وڌ ڳالهائي گارگند ڪئي ۽ کيس آفيس مان ٻاهر ڪڍي ڇڏيو. هن سيشن جج نوشهرو فيروز، ايس ايس پي نوشهرو فيروز ۽ ٻين اعليٰ اختيارين کان مطالبو ڪيو ته معاملي جو شفاف جاچ ڪرائي کيس انصاف فراهم ڪيو وڃي، ٻي صورت ۾ هو ايس ايس پي آفيس آڏو احتجاج ڪرڻ تي مجبور ٿيندو.