وزیراعظم کا آئی ایم ایف کی ایم ڈی سے چند روز میں چوتھا رابطہ

وزیراعظم شہباز شریف اور آئی ایم ایف کی مینیجنگ ڈائریکٹرکے درمیان ٹیلی فون رابطہ ہوا

اسلام آباد: وزیراعظم شہباز شریف اور آئی ایم ایف کی مینیجنگ ڈائریکٹرکے درمیان ٹیلی فون رابطہ ہوا ہے۔ پاکستان کا آئی ایم ایف سے معاہدہ ختم ہونے میں تین دن باقی ہیں اور آج صبح وزیراعظم شہبازشریف کا چند روز میں آئی ایم ایف کی مینیجنگ ڈائریکٹرسے چوتھی بار رابطہ ہوا ہے۔ وزیراعظم شہباز شریف اور ایم ڈی آئی ایم ایف میں رابطہ آج صبح ہوا جس میں وزیراعظم نے معاشی صورتحال کی بہتری کے اہداف مشترکہ کوششوں سے حاصل کرنےکے عزم کا اعادہ کیا۔ وزیراعظم نے ایم ڈی آئی ایم ایف سے گفتگو کرتے ہوئے کہا کہ آئی ایم ایف پروگرام کے نکات پرہم آہنگی ایک دو دن میں آئی ایم ایف کے فیصلےکی شکل اختیارکرےگی۔ اس موقع پر آئی ایم ایف کی مینیجنگ ڈائریکٹر نے وزیراعظم شہباز شریف کے قائدانہ عزم کو سراہتے ہوئے کہا کہ پاکستان کی معاشی صورتحال کی بہتری چاہتے ہیں۔ واضح رہے کہ پاکستان اور آئی ایم ایف کا معاہدہ 30 جون کو ختم ہورہا ہے۔