سجاول: بنون ٿاڻي جي حد مان ڌنار نينگر مبينا اغوا، وارثن جو احتجاج

5هٿياربند 12 ورهين جي اسماعيل مگسي کي اغوا ڪري 5ٻڪريون به ڪاهي ويا: وارث

سجاول (رپورٽر) ٻنون پوليس اسٽيشن جي حد ۾ گذريل ڏينهن پنج هٿياربندن 12 ورهين جي ڌنار اسماعيل مگسي کي اغوا ڪري ورتو، جڏهن ته جوابدار پنج ٻڪريون به ڦر ڪري فرار ٿي ويا. واقعي خلاف وارثن پريس ڪلب اڳيان سخت احتجاج ڪندي انصاف جو مطالبو ڪيو.احتجاج ڪندڙ وارثن محمد موسي منگسي ۽ عبدالرحيم منگسي ٻڌايو ته سندن نينگر اسماعيل منگسي کي ڳوٺ موالي موري مان اغوا ڪيو ويو آهي، جنهن سان گڏ جوابدار سندن مال مويشي پڻ کڻي ويا آهن. هنن اختيارين کان مطالبو ڪيو ته نينگر کي بازياب ڪرائي جوابدارن خلاف سخت ڪارروائي ڪئي وڃي. وارثن موجب جوابدارن جي سڃاڻپ الهه بخش عرف منگسي ۽ منگهو منگسي طور ٿي آهي. جڏهن ته آخري اطلاعن تائين ڪا گرفتاري عمل ۾ نه اچي سگهي آھي