الائنس فرانسيز ڪراچي جي وفد پاران سنڌ ايجوڪيشن فائونڊيشن جو دورو، تعارفي گڏجاڻي

ڪراچي (رپورٽ): الائنس فرانسيز ڪراچي جي ڊائريڪٽر ايمانوئل بريوريڪ ۽ ڊپٽي ڊائريڪٽر محمد اقبال ڀملا سنڌ ايجوڪيشن فائونڊيشن حڪومت سنڌ جي هيڊ آفيس جو دورو ڪيو، جتي هنن اداري جي سينيئر مئنيجمينٽ سان تعارفي گڏجاڻي ڪئي.گڏجاڻي جي صدارت سنڌ ايجوڪيشن فائونڊيشن جي مينيجنگ ڊائريڪٽر گهنور علي لغاري ڪئي. ان موقعي تي ڊپٽي مينيجنگ ڊائريڪٽر شاهپارا رضوي، ڊائريڪٽر فنانس الطاف آزاد علي، ڊائريڪٽر پروگرامز اينڊ پلاننگ نثار ٻانڀڻ، ڊائريڪٽر هيومن ريسورسز مبشر مرزا، ڊپٽي ڊائريڪٽرز ۽ اسسٽنٽ ڊائريڪٽرز شرڪت ڪئي، جڏهن ته ڊسٽرڪٽ ۽ ريجنل هيڊز آن لائن گڏجاڻي ۾ شامل ٿيا. سينيئر صحافي ايم. ايم. عالم پڻ موجود هو.ان موقعي تي مينيجنگ ڊائريڪٽر گهنور علي لغاري وفد کي سنڌ ايجوڪيشن فائونڊيشن جي قيام، ڪارڪردگي، پبلڪ پرائيويٽ پارٽنرشپ ماڊل، مختلف تعليمي پروگرامن ۽ صوبي جي پٺتي پيل علائقن تائين معياري تعليم پهچائڻ لاءِ کنيل قدمن بابت آگاهه ڪيو. وفد کي اداري جي تعليمي پورٽ فوليو ۽ جاري منصوبن بابت تفصيلي پريزنٽيشن پڻ ڏني وئي.وفد سنڌ ايجوڪيشن فائونڊيشن جي تعليمي ماڊل ۽ خدمتن ۾ دلچسپي ظاهر ڪئي، جڏهن ته ٻنهي ادارن جي نمائندن تعليم، اداري جي تجربن ۽ مستقبل ۾ رابطڪاري تي پڻ غور ويچار ڪيو.