ملير: يوسي چوڪنڊي ۾ 100 هندو خاندانن ۾ سولر سسٽم ورهايو ويو

يوسي چوڪنڊي ۾ عوامي ڀلائي ۽ ترقياتي منصوبن تي تيزي سان ڪم جاري آهي: عبدالرشيد پنهور

ملير (رپورٽ: عبدالرشيد مورجھريو) يوسي چوڪنڊي جي چيئرمين عبدالرشيد پنهور پاران حسن پنهور ڳوٺ ۾ رهندڙ هڪ سئو مارواڙي ھندو خاندانن ۾ سولر سسٽم ورهائڻ جي تقريب منعقد ڪئي وئي تقريب ۾ اقليتي ڪائونسلر پپو مڪوانا، هندو مارواڙي برادري جي معززين، سماجي اڳواڻن ۽ علائقي واسين وڏي تعداد ۾ شرڪت ڪئي تقريب ۾ مستحق خاندان کي سولر پيڪيج فراهم ڪيو ويو جنهن ۾ سولر پليٽون، بيٽري، پنکا، ايل اي ڊي بلب ۽ گهرن ۾ بجلي جي بنيادي ضرورتن لاءِ گهربل سامان شامل هو علائقي واسين ان قدم کي بجلي جي بحران جي دور ۾ غريب خاندانن لاءِ وڏي سهولت قرار ڏيندي ميئر ڪراچي مرتضيٰ وهاب ۽ پاڪستان پيپلز پارٽي جي قيادت جا ٿورا مڃياان موقعي تي صحافين سان ڳالهائيندي يوسي چوڪنڊي جي چيئرمين عبدالرشيد پنهور چيو ته پاڪستان پيپلز پارٽي جي چيئرمين بلاول ڀٽو زرداري جي عوام دوست سوچ ۽ ميئر ڪراچي مرتضيٰ وهاب جي خاص دلچسپي سبب يوسي چوڪنڊي ۾ عوامي ڀلائي ۽ ترقياتي منصوبن تي تيزي سان ڪم جاري آهي هن چيو ته اسان جي ڪوشش آهي ته هر گهر تائين بنيادي سهولتون پهچايون وڃن ۽ عوام کي وڌ کان وڌ رليف فراهم ڪيو وڃي هن وڌيڪ چيو ته يوسي چوڪنڊي ۾ پورهيت ۽ گهٽ آمدني وارن خاندانن لاءِ هڪ سئو گهرن جي تعمير، صاف پيئڻ جي پاڻي لاءِ آر او پلانٽ، پاڻي ۽ نيڪال جي نظام جي بهتري، روڊن ۽ گهٽين جي تعمير ۽ مرمت، پارڪن جي بحالي ۽ ٻين فلاحي منصوبن تي تيزي سان ڪم جاري آهي هن چيو ته اهي منصوبا مڪمل ٿيڻ سان علائقي واسين کي بهتر شهري سهولتون ميسر اينديون ۽ سندن زندگيءَ جو معيار وڌيڪ بهتر ٿيندو عبدالرشيد پنهور چيو ته پاڪستان پيپلز پارٽي بنا ڪنهن مذهبي، لساني يا ذاتي فرق جي هر شهري جي خدمت تي يقين رکي ٿي. اقليتي برادري جي ڀلائي ۽ خوشحالي لاءِ به اهڙا فلاحي منصوبا جاري رهندا، جڏهن ته يوسي چوڪنڊي جي هر وارڊ ۾ عوامي ضرورتن موجب ترقياتي ڪم ترجيحي بنيادن تي مڪمل ڪيا ويندا