ڪئميرا جرنلسٽ ميڊيا انڊسٽري جو اهم ستون آهن: سيد امتياز الحق بخاري

ايسوسيئيشن آف ڪئميرا جرنلسٽس جي چونڊن ۾ ڪامياب ٿيندڙ سمورن عهديدارن کي مبارڪباد

ڪراچي (اسٽاف رپورٽر) بخاري گروپ آف ڪمپنين جي چيف ايگزيڪيوٽو آفيسر ۽ مشهور سماجي شخصيت سيد امتياز الحق بخاري ايسوسيئيشن آف ڪئميرا جرنلسٽس جي تازين چونڊن ۾ ڪاميابي حاصل ڪندڙ سمورن عهديدارن ۽ گورننگ باڊي جي ميمبرن کي دلي مبارڪباد پيش ڪئي آهي. هن نون چونڊيل صدر دانش شڪيل، نائب صدر طالب ملڪ، جنرل سيڪريٽري يوسف سلطاني، جوائنٽ سيڪريٽري حسنين جعفري، فنانس سيڪريٽري فرحان سومرو سميت گورننگ باڊي جي ميمبرن رشيد چانڊيو، قاسم رئيس، وسيم ستار، ذوالفقار، عادل توقير، عبدالعظيم ۽ بلال حيدر نيازي کي مبارڪباد ڏيندي سندن لاءِ نيڪ تمنائن جو اظهار ڪيو. سيد امتياز الحق بخاري چيو ته ڪئميرا جرنلسٽ ميڊيا انڊسٽري جو هڪ اهم ستون آهن، جيڪي هر قسم جي حالتن ۾ پنهنجون پيشاورانه ذميواريون نڀائيندي عوام تائين حقيقتون پهچائڻ ۾ اهم ڪردار ادا ڪن ٿا. هن چيو ته بخاري گروپ آف ڪمپنين وڊيو جرنلسٽن جي ڀلائي، سندن زندگين ۾ آسانيون پيدا ڪرڻ ۽ انهن کي درپيش مسئلن جي حل لاءِ هر ممڪن سهڪار ۽ حمايت جاري رکندو. هن اميد ظاهر ڪئي ته نئين چونڊيل قيادت صحافتي برادري، خاص طور تي ڪئميرا جرنلسٽن جي مسئلن جي حل، پيشاورانه ترقي ۽ فلاحي قدمن جي واڌاري لاءِ اثرائتو ڪردار ادا ڪندي.