ملير: کوکراپار ڀرسان قلم جهڙي شئي ڦاٽڻ سبب نوجوان زخمي

ملير (رپورٽ: عبدالرشيد مورجھريو) ملير جي علائقي کوکراپار ڀرسان روڊ تان مليل قلم جهڙي مشڪوڪ شيءِ ۾ ڌماڪو ٿيڻ سبب هڪ نوجوان سخت زخمي ٿي پيو زخمي نوجوان جي سڃاڻپ عبدالسميع جي نالي سان ٿي آهي، جنهن جو هٿ ڌماڪي سبب سخت متاثر ٿيو آهي اطلاعن موجب عبدالسميع کي رستي ۾ هڪ چمڪندڙ شيءِ ملي، جيڪا هو پاڻ سان گڏ گهر کڻي آيو متاثر نوجوان جي بيان موجب جڏهن هن ڄاڻايل شيءِ جو بٽڻ دٻايو ته زور دار ڌماڪو ٿي پيو، جنهن جي نتيجي ۾ هو سخت زخمي ٿي پيو واقعي کان پوءِ زخمي نوجوان کي فوري طور طبي امداد لاءِ هڪ خانگي اسپتال منتقل ڪيو ويو، جتي سندس علاج جاري آهي واقعي جي اطلاع ملندي ئي پوليس ۽ لاڳاپيل وفاقي جاچ ادارا سرگرم ٿي ويا ۽ ثبوت گڏ ڪري جاچ جو آغاز ڪري ڇڏيو آھي پوليس اختيارين موجب واقعي جي هر پهلوءَ کان جاچ ڪئي پئي وڃي ۽ اهو معلوم ڪرڻ جي ڪوشش ڪئي پئي وڃي ته اها مشڪوڪ شيءِ اتي ڪيئن پهتي ۽ ان جي اصل نوعيت ڇا هئي...