رتوديرو جي موٽڻ پور پاڙي ۾ هٿياربندن جو گهر تي حملو، فائرنگ ۾گهر ڌڻي قتل، سندس 2 پٽ زخمي

7 views | 11th Jun 2026 • سنڌي خبرون

هٿياربندن گهر ۾ گهڙي فائرنگ ڪري ڏني نتيجي ۾ اعجاز جلباڻي ٿڏي تي مارجي ويو: وارث

رتوديرو جي موٽڻ پور پاڙي ۾ هٿياربندن جو گهر تي حملو، فائرنگ ۾گهر ڌڻي قتل، سندس 2 پٽ زخمي

رتوديرو (رپورٽر) رتوديرو جي موٽڻ پور پاڙي ۾ هٿياربندن گهر ۾ داخل ٿي فائرنگ ڪري هڪ ڄڻي کي قتل ۽ ٻن ڄڻن کي زخمي ڪري ڇڏيو مقتول جي سڃاڻپ اعجاز جلباڻي ۽ زخمين جي سڃاڻپ سندس جي ٻن پٽن جاويد ۽ مشتاق طور ڪئي وئي آهي پوليس واقعي واري هنڌ پهچي مقتول جو لاش ۽ زخمين کي تعلقه اسپتال کڻائي آئي ان سلسلي ۾ مقتول جي پٽ آفتاب جو چوڻ هيو ته اسان جو پنهنجي ذات وارن سان ڪارنهن تڪرار تان مسئلو هلندڙ هيو جنهن تان غلام فريد، گدا حسين، عبدالمالڪ، فرمان آدم جلباڻي ۽ ٻين اسان جي گهر اندر داخل ٿي فائرنگ ڪئي جنهن ۾ منهنجو پيء قتل ٿي ويو آهي ۽ ٻه ڀائر زخمي ٿيا آهن هٿياربندن منهنجي والد کي بيگناه قتل ڪري ڀائرن کي زخمي ڪيو آهي هن اسان رتوديرو ڀرسان ڳوٺ احمد جلباڻي جا رهواسي آهيون جهيڙي سبب ڳوٺ ڇڏي رتوديرو شهر لڏي آياسين ايس ايس پي لاڙڪاڻو کي اپيل ڪندي چيو ته ملوث جوابدارن کي گرفتار ڪري انصاف ڪيو وڃي.