ٺٽو: ناري جو امڙ سان گڏ مڙس خلاف احتجاجي مظاهرو

ٺٽو (محمد شفيق ڀٽي)مال ماڙي جي رھواسڻ ماروي جوکيو پنھنجي ماؤ سان گڏ عوامي پريس ڪلب تي پريس ڪانفرنس ڪندي چيو آھي تہ ھي اصل چنيسر ڳوٺ ڪراچي جي رھندڙ آھي ھن جي شادي 13 سال اڳ مال ماڙي جي گھڻسي جوکيو سان ٿي جيڪو کائنس عمر ۾ 20 سال وڏو ھو،ھن چيو تہ 60 سالن جي پوڙھي مڙس سان بہ ھي نڀائي رھي ھئي پر مڙس روز کيس سخت مارڪٽ ڪندو ۽ تشدد جو نشانو بنائيندو رھندو ھو جنھن ڪري نيٺ تنگ ٿي ھن عيد جي ٻي ڏينھن گھر ڇڏي پنھنجي ماؤ وٽ چنيسر ڳوٺ رھائش اختيار ڪئي آھي ۽ گھارو سول ڪورٽ ۾ خلع لا درخوست داخل ڪئي آھي جنھن تان مڇرجي مڙس کين جان کان مارڻ جون ڌمڪيون ڏيئي رھيو آھي ۽ ٻہ ننڍا ٻار بہ قبضي ۾ رکيو ويٺو آھي، ھن وڌيڪ چيو تہ منھنجو مڙس منھنجي ڀاؤ تي ٻہ لک چوري جا الزام سوشل ميڊيا تي ھڻي رھيو آھي جيڪي بي بنياد ۽ ڪوڙا الزام آھن ڇو تہ منھنجو ڀاؤ مال ماڙي ۾ آيو ئي نہ ھو،ھن ايس ايس پي ٺٽو کان تحفظ جي اپيل ڪئي آھي