هڱورجا ڀرسان ٽرالر جي ٽڪر ۾ موٽرسائيڪل سوار پيءُ پٽ سميت 4 گهرڀاتي چيڀاٽجي فوت، عورت زخمي

فوتين ۾ 28ورهين جو قادرداد شر، سندس پٽ علي نواز، سورٺ زال سچل شر ۽ غلام رهبر شر شامل

ھڱورجا(رپورٽر)ھڱورجا قومي شاھراھ تي تيز رفتار ٽرالر ۽ موٽر سائيڪل ۾ زوردار ٽڪر موٽرسائيڪل سوار پي ۽ پٽ سميت ھڪ ئي گھر جا چار ماڻھون ٿڏي تي فوت ھڪ عورت شديد زخمي.فوتين جا مڙھ رسول آباد جي ڳوٺ عاقل شر ۾ پھتا ت ڪھرام متل.تفصيل موجب ھنڱورجا قومي شاھراھ تي رسول آباد اسٽاپ سامھون تيز رفتار ٽرالر جو موٽر سائيڪل کي ٽڪر ٿي پيو جنھن جي نتيجي ۾ 28 سالا قادرداد شر سندس 6 سالا پٽ علي نواز شر 45 سالا مسمات سورٺ شر زال سچل شر 8 سالا غلام رھبر شر ولد حاجي شر ٿڏي ٽرالر ھيٺا اچي چيڀاٽجي فوت ٿي ويا جڏنھن ھڪ عورت مسمات روزينا شر شديد زخمي ٿي پئي.اطلاع تي ھنڱورجا پوليس رسول آباد پوليس ۽ موٽروي پوليس پھچي فوتين جا مرھ ۽ زخمي کي ھنڱورجا اسپتال منتقل ڪيو ويو ضروري ڪارروائي بعد وارث چار فوتين جا مڙھ جڏنھن رسول آباد ڀرسان ڳوٺ عاقل شر ۾ سندن گھر پھچڻ تي ڪھرام مچي ويو ۽ ڳوٺ ۾ سوڳ واري صورتحال رھي ھوڏانھن ھنڱورجا پوليس ٽرالر کي پنھنجي تحويل ۾ وٺ ڇڏيو آھي جڏھن تہ ٽرالر ڊرائيور حادثي واري ھنڌ تان فرار ٿي وڃڻ ۾ ڪامياب ٿي ويو آخري اطلاع تائين روڊ حادثي جو ڪوب ڪيس داخل ن ٿي سگھيو آھي.