ملير: ڊمپر جو موٽر سائيڪل کي ٽڪر، پيرسن فوت، سندس زال زخمي

حادثي ۾ پيرسن محمد الياس بڪڪ فوت ٿي ويو، سندس زال نمولا جي ڄنگهه ڀڄي پئي

ملير (رپورٽ: عبدالرشيد مورجھريو) ناردرن بائی پاس تي پيش آيل افسوسناڪ ٽرئفڪ حادثي ۾ موٽر سائيڪل سوار بزرگ فوت ٿي ويو جڏهن ته سندس زال سخت زخمي ٿي پئي پوليس ۽ اکين ڏٺن شاهدن موجب گڏاپ جي علائقي موئيدان فيض محمد بڪڪ ڳوٺ جو رهواسي 61 ورهين جو محمد الياس بڪڪ پنهنجي 55 ورهين جي زال نمولا زوجه محمد الياس سان گڏ ڪنڊو ڳوٺ کان واپس اچي رهيو هو ته ناردرن بائي پاس تي تيز رفتار ڊمپر نمبر TAC-721 سندن موٽر سائيڪل کي ٽڪر هنيو حادثو ايترو ته شديد هو جو محمد الياس بڪڪ موقعي تي ئي دم ڏئي ڇڏيو زخمي عورت نمولا کي فوري طور تي اسپتال منتقل ڪيو ويو اسپتال ذريعن موجب عورت جي هڪ ٽنگ ڀڄي وئي آهي ۽ کيس طبي امداد فراهم ڪئي پئي وڃي اکين ڏٺن شاهدن موجب حادثي کان پوءِ ڊمپر ڊرائيور گاڏي موقعي تي ڇڏي فرار ٿي ويو واٽهڙو ماڻهن مرحوم جي سڃاڻپ ڪارڊ ذريعي وارثن کي اطلاع ڏنو پوليس واقعي واري هنڌ تي پهچي ڊمپر کي پنهنجي تحويل ۾ وٺي وڌيڪ ڪارروائي شروع ڪري ڇڏي آهي آخري اطلاعن تائين ڪيس داخل نه ٿي سگهيو هو جڏهن ته پوليس جو چوڻ آهي ته فرار ڊرائيور جي ڳولا جاري آهي ۽ کيس جلد گرفتار ڪيو ويندو علائقي واسين نادرن بائي پاس تي ڳري گاڏين جي تيز رفتاري تي ڳڻتي ظاهر ڪندي اختيارين کان سخت قدم کڻڻ جو مطالبو ڪيو آهي ته جيئن وڌيڪ قيمتي جاني نقصان کان بچي سگهجي.