شڪارپور ۾ 23 مارچ جي حوالي سان ريلي ڪڍي وئي

ريلي ۾ ايس ايس پي محمد ڪليم ملڪ، ڊي ايس آر رينجرس به شريڪ

شڪارپور (احسان ابڙو) ضلعي شڪارپور ۾ 23 مارچ پاڪستان جو ڏينهن، ڪفايت شعاري ۽ شان سان ملھايو ويو. ان حوالي سان ضلعي انتظاميا شڪارپور، سنڌ حڪومت جي سرنڊر پاليسي 2025 جي تسلسل ۾ تعلقي خانپور جي علائقي ڳڙهي تيغو ۾ ماڻهن لاءِ ضروري خدمتن ۽ فلاحي سهولتن تائين رسائي کي يقيني بڻائيندي، علائقي ۾ راندين جي سرگرميون (والي بال ۽ ڊوڙ جا مقابلا)، اسڪول جي شاگردن ۾ ڪتابن جي ورهاست، ۽ مفت ميڊيڪل ڪئمپ جو انعقاد ڪيو. ان موقعي تي ڊپٽي ڪمشنر شڪارپور جي سربراهي ۾ 23 مارچ پاڪستان ڏينهن جي آگاهي لاء ريلي ڪڍي وئي ۽ ڪيڪ ڪٽيو ويو ڊپٽي ڪمشنر شڪارپور شڪيل احمد ابڙو، ايس ايس پي شڪارپور محمد ڪليم ملڪ، ڊي ايس آر رينجرس، ڊي ايس پي خانپور، اسسٽنٽ ڪمشنر خانپور، مختيارڪار خانپور، سوشل ويلفيئر آفيسر، صحت کاتي جا عملدار ۽ ڊاڪٽر، پي پي ايڇ آءِ، ۽ سرسو جي ضلعي ٽيم انهن سرگرمين ۾ شرڪت ڪئي. ڊپٽي ڪمشنر شڪارپور پاران سرگرمي جو باضابطه دورو ۽ نگراني پڻ ڪئي وئي ڳڙهي تيغو ۽ آس پاس جي علائقن جي عام ماڻهن سنڌ حڪومت جي علائقي ۾ امن ۽ امان جي صورتحال ۽ ڏوهن کان پاڪ ماحول برقرار رکڻ جي ڪوششن جي تعريف ۽ شڪرگذاري جو اظهار ڪيو. انهن چيو ته اهڙيون سرگرميون سرنڊر پاليسي 2025 کان پوءِ رياست ۽ مقامي آبادي جي وچ ۾ اعتماد بحال ڪرڻ ۾ مدد ڪنديون. ڊپٽي ڪمشنر سڀني لائين ڊپارٽمينٽس جي ڪوششن جي تعريف ڪئي ۽ انهن کي هدايت ڪئي ته ڪچي علائقي ۾ پائيدار ترقي لاءِ خدمتن جي تسلسل کي برقرار رکيو وڃي