عبدالجبار ککراڻي ڊي اي او اولهه ڪراچي مقرر، آفيس پهچڻ تي آفيسرن ۽ استادن پاران آجيان

بند پيل اسڪول کولي تعليمي معيار ۾ بهتري آندي ويندي: عبدالجبار ککراڻي

ملير (عبدالرشيد مورجھريو) عبدالجبار ککراڻي ڊي اي او ڪراچي اولھ مقرر ، آفيس پهچڻ تي تعليمي آفيسرن، سماجي اڳواڻن ۽ استادن طرفان شاندار آجيان، اجرڪون اوڍائي گلن جا دستا پيش، ضلعي ۾ بند پيل سرڪاري اسڪولن کي کولي تعليمي معيار ۾ بهتري آندي ويندي ڊي اي او ،تفصيل موجب عبدالجبار ککراڻي ڊي اي او ڪراچي اولھ مقرر ٿيڻ بعد چارج سنڀالي ورتي آهي گذريل ڏينهن آفيس پهچڻ تي تعليمي آفيسرن، سماجي اڳواڻن ۽ استادن عبدالمجيد ڪياني ، محمد حسن گبول ، سيد ڪپتان شاھ، ظهير احمد ميمڻ، مير ولي، نبي بخش شر، شفيع شر ۽ ٻين طرفان شاندار آجيان ڪئي وئي ۽ اجرڪون اوڍائي گلن جا دستا پيش ڪيا ويا ان موقعي تي نئين مقرر ٿيل ضلعي آفيسر عبدالجبار، خاصخيلي چيو ته ضلعي ۾ تعليمي معيار کي بهتر ڪرڻ لاءِ جوڳا اپاءَ ورتا ويندا بند پيل سرڪاري اسڪولن کولي اسڪول کان ٻاهر ٻارڙن کي اسڪولن ۾ آڻي داخلا ڏني ويندي هن چيو ته اسڪولن ۾ بنيادي سهولتون ڏين ترجيح هوندي