نوشهروفيروز ۾ پ پ جي اڳوڻي ايم پي اي شهناز انصاري جي ڇهين ورسي ملهائي وئي

شهناز انصاري جي ورسي جي موقعي تي مجلس عزا پڻ منعقد ڪئي وئي، وڏي انگ ۾ ماڻهن جي شرڪت

نوشهروفیروز (ڊ ر) پاڪستان پيپلز پارٽي ضلع نوشهروفیروز جي اڳوڻي صوبائي اسيمبلي ميمبر شهيد شهناز انصاري جي ڇهين ورسي جي موقعي تي چنه شادي هال نوشهروفیروز ۾ هڪ باوقار تقريب منعقد ڪئي وئي، جنهن ۾ پارٽي ڪارڪنن ۽ شهرين وڏي انگ ۾ شرڪت ڪئي۔ تقريب دوران مجلسِ عزا جو اهتمام ڪيو ويو، جنهن کي علامه اسد اقبال زيدي ۽ علامه اختيار حسين خطاب ڪندي چيو ته شهيد ايم پي اي شهناز انصاري ڪربلا جي روايتن کي برقرار رکندي شهادت جو جام پيتو۔ مقررن چيو ته شهيد پنهنجي زندگي ۾ ضلعي جي عوام، خاص ڪري عورتن جي حقن ۽ ڀلائي لاءِ اهم ڪردار ادا ڪيو۔ هنن چيو ته وقت جي يزيدن کيس شهيد ڪري وڏو ظلم ڪيو، پر سندس خدمتون ۽ قرباني هميشه ياد رکي ويندي۔ مقررن دعا گهري ته الله پاڪ شهيد کي ڪربلا جي مظلوم شهيدن جي شفاعت نصيب فرمائي ۽ کيس جنت الفردوس ۾ اعليٰ مقام عطا ڪري، جڏهن ته سندس لواحقين کي صبر ۽ همت سان شهيد جي نقش قدم تي هلڻ جي توفيق ڏئي۔ تقريب جي پڄاڻي تي گڏيل دعا گهري وئي ۽ شرڪت ڪندڙن ۾ لنگرِ نياز ورهايو ويو