ترک سکیورٹی اداروں نے بروقت کارروائی کرتے ہوئے تہواروں کے دوران مجوزہ دہشت گرد حملوں کا منصوبہ ناکام بنا دیا۔
ترکیہ میں سکیورٹی اداروں نے کرسمس اور نئے سال کے موقع پر ممکنہ دہشت گرد حملوں کی ایک بڑی سازش کو ناکام بنا دیا۔ حکام کے مطابق استنبول میں وسیع پیمانے پر کریک ڈاؤن کے دوران 124 مختلف مقامات پر چھاپے مارے گئے، جن کے نتیجے میں 115 مشتبہ دہشت گرد عناصر کو حراست میں لیا گیا۔
تحقیقات میں انکشاف ہوا ہے کہ گرفتار افراد ملک میں تہواروں کے دوران خونریز کارروائیوں کی منصوبہ بندی میں مصروف تھے۔ چھاپوں کے دوران قابلِ ذکر مقدار میں اسلحہ اور دیگر مشکوک مواد بھی برآمد کیا گیا، جس سے ممکنہ بڑے جانی نقصان کا خطرہ ٹل گیا۔
حکام کا کہنا ہے کہ عوام کے جان و مال کے تحفظ کے لیے سکیورٹی اقدامات مزید سخت کیے جا رہے ہیں اور انسدادِ دہشت گردی کارروائیاں جاری رہیں گی۔
0 تبصرے