ٺٽو پوليس جو جوا جي اڏي تي ڇاپو، 4 جواباز گرفتار

درڙ لنڪ، مهري ڳوٺ ڀرسان جوا جي اڏي تي ڇاپو هنيو ويو: پوليس

ٺٽو(رپورٽ شفيق ڀٽي) ٺٽو پوليس جي ڪامياب ڪارروائي جوا جي اڏي تي ڇاپو، 4 جواباز گرفتار، 52 تاش جا پتا ۽ 3 هزار رپيا نقد برآمد، ڪيس داخل آءِ جي پي سنڌ غلام نبي ميمڻ ۽ ڊي آءِ جي پي حيدرآباد رينج طارق رزاق ڏاهريجو جي هدايتن جي روشني ۾ ايس ايس پي ٺٽو فاروق احمد بجاراڻي جي حڪمن تي ٺٽو ضلعي ۾ منشيات فروشن، ڏوهاري عنصرن، عادي ڏوهارين، گٽڪا ۽ مين پڙي خلاف ڪريڪ ڊائون تيزي سان جاري آهي۔ان سلسلي ۾ ايس ايڇ او ٿاڻو سڪرو انسپيڪٽر سائين ڊنو برڙو پنهنجي عملي سان گڏ خفيه اطلاع تي ليٽ اسٽاپ کان درڙ لنڪ، مهري ڳوٺ ڀرسان جوا جي اڏي تي ڪامياب ڪارروائي ڪئي، جتي مرغان جي ويڙهه تي شرط لڳائڻ ۾ ملوث چار جواباز بنگلو خان رند، شمس الدين رامدے، ضمير حسين جاگيراني ۽ محمد جنيد ميمڻ کي گرفتار ڪيو ويو۔ڪارروائي دوران 20/21 نامعلوم جواباز ٻه مرغا کڻي فرار ٿي ويا۔گرفتار جوابازن وٽان 52 تاش جا پتا ۽ 3 هزار رپيا نقد برآمد ڪري ٿاڻو سڪرو ۾ جوا ايڪٽ تحت ڪيس داخل ڪيو ويو آهي، جڏهن ته فرار جوابازن جي گرفتاري لاءِ پوليس جا ڇاپا جاري آهن۔