شڪارپور ۾ به ڪرپشن جي خاتمي واري عالمي ڏهاڙي تي ريلي ڪڍي وئي

شڪارپور (احسان ابڙو ) ھر سال جيان هن سال پڻ ڪرپشن جي روڪ ,ٿام لاء اينٽي ڪرپشن ويڪ ملهايو ويو ڪرپشن جي روڪ ٿام جي مناسبت سان هڪ ريلي ڪڍي ويئي تفصيل موجب گذريل ڏينھن 09 ڊسمبر 2025 تي سڄي ملڪ جيان ضلعو شڪارپور ۾ بہ "اينٽي ڪرپشن ڏينھن ملهايو ويو. ان سلسلي ۾ اينٽي ڪرپشن اسٽيبلشمينٽ شڪارپور پاران جاڳرتا ريلي جو اهتمام ڪيو ويو، جيڪا ڊپٽي ڊائريڪٽر اينٽي ڪرپشن آفيس شڪارپور کان پريس ڪلب شڪارپور تائين هڪ جاڳرتا ريلي ڪڍي ويئي ريلي جو مقصد عوام ۾ بدعنواني خلاف شعور اجاگر ڪرڻ هو. ان موقعي تي مختلف هنڌن تي پينا فليڪس، بينر ۽ پوسٽر لڳايا ويا، جن ۾ بدعنواني خلاف پيغام شامل هئا. اينٽي ڪرپشن هفتي جي سلسلي ۾ مختلف آگاهي پروگرام، مهم پڻ جاري آهي. ريلي کي خطاب ڪندي ڊپٽي ڊائريڪٽر زيد عباس عوام کي اپيل ڪئي ته بدعنواني خلاف متحد ٿي ڪم ڪن ۽ ڪٿي ڪا ڪرپشن نظر اچي ته اسان کي اطلاع ڏين ته جيئين ڪرپشن جي ناسور کي ختم ڪري سگهجي ۽ ڪرپشن کي ختم ڪرڻ لاء سڀني ادارن کي عملي ڪم ڪرڻ گهرجي۔ ۔ريلي ۾ ايس ايس پي جيلر ,اسسٽنٽ ڪمشنر شڪارپورمحمد فيضان , سرڪل آفيسر اورنگزيب اينٽي ڪرپشن جي ملامن ,وفاقي توڙي صوبائي ملازمن ,سول سوسائٽي جي ماڻهن ,اسڪول جي شاگردن ,استادن, ۽ شهر جي ماڻهن وڏي تعداد ۾ پڻ شريڪ ٿيا