نئون ديرو ويجهو جيها - ڏاهاڻي تڪرار تان هڪ ڄڻو قتل، مهمان زخمي

272 views | 02nd Nov 2025 • سنڌي خبرون

نئون ديرو ويجهو جيها - ڏاهاڻي تڪرار تان هڪ ڄڻو قتل، مهمان زخمي

نئون ديرو (رپورٽر) جيها - ڏاهاڻي تڪرار ڀڙڪي پيو هڪ فوجي مارجي ويو ۽ مهمان فوجي زخمي، نئون ديرو ٿاڻي جي حد ڳوٺ مبارڪ جيهو ۾ جيها - ڏاهاڻي تڪرار ٻيهر ڀڙڪي پيو. مبارڪ جيهو واسي فوجي جوان شهزادو جيهو مارجي ويو جڏهن ته ساڻس گڏ گهمڻ لاءِ آيل فوجي جوان خيرپور واسي مقصود مڱڻيجو زخمي ٿي پيو، اطلاع تي پوليس پهچي لاش ۽ زخميءَ کي نئون ديرو اسپتال آندو جتي زخمي کي طبي امداد ڏيڻ بعد لاڙڪاڻي منتقل ڪيو ويو، ٻئي فوجي گذريل ڏينهن موڪل تي ڳوٺ گهمڻ لاءِ آيل هئا جتي ڏاهاڻي ڌر جي لڪي ويٺل هٿياربندن حملو ڪري مٿن ڇتي فائرنگ ڪري ڏني جنهن ۾ شهزادو جيهو مارجي ويو ۽ خيرپور کان مهمان ٿي آيل فوجي جوان مقصود مڱڻيجو زخمي ٿي پيو، جيها - ڏاهاڻي تڪرار تان مارجي ويلن جو انگ وڌي 25 ٿي ويو