نوشهروفيروز جي مختلف شهرن جي 48 ڪلاڪن کان بجلي بند پيل

views | 18th May 2023 • سنڌي خبرون

نوشهروفيروز گرڊ اسٽيشن ڪنڊيارو ۽ ڀريا جا سمورا فيڊرز بند، عوام گرمي سبب عذاب ۾ مبتلا

نوشهروفيروز جي مختلف شهرن جي 48 ڪلاڪن کان بجلي بند پيل

نوشهروفيروز (د ر) نوشهروفيروز ضلعي جي مختلف شهرن ۾ 48 ڪلاڪ گذرڻ باوجود بجلي بحال نه ٿي سگهي، نوشهروفيروز گرڊ اسٽيشن ڪنڊيارو ۽ ڀريا جا سمورا فيڊرز بند، سخت گرمي، پاڻي جي کوٽ ۽ برف ٺاهڻ جا ڪارخانا بند ٿيڻ سبب عام زندگي مفلوج ٿي وئي. متاثر علائقن جي مکين کي سخت پريشانين کي منهن ڏيڻو پئجي رهيو آهي. واپڊا سيپڪو ڊويزن دادو/نوشهروفيروز جي تعميراتي انجنيئر اعجاز علي ڊٺو پي ٽي وي کي ٻڌايو ته 2 ڏينهن اڳ نوشهروفيروز ضلعي ۾ تيز هوائن سبب هاءِ ٽرانسميشن جا 9 ٽاور ڪري پيا، مرمت جو ڪم مڪمل ٿيڻ ۾ اڃا ڪجهه ڏينهن لڳي سگهن ٿا. اهو ئي سبب آهي ته گرڊ اسٽيشن مورو جي پي ٽي وي فيڊر کي نوشهروفيروز سان ڳنڍيو پيو وڃي ته جيئن شهرن تائين بجلي پهچندي.