اسلام آباد کی ڈسٹرکٹ اینڈ سیشن کورٹ کا بڑا فیصلہ — 9 مئی سمیت 5 مقدمات میں بانیِ پی ٹی آئی کی گرفتاری پر روک!
اسلام آباد کی ڈسٹرکٹ اینڈ سیشن کورٹ میں ایڈیشنل سیشن جج افضل مجوکہ نے 9 مئی سمیت دیگر پانچ مقدمات پر سماعت کی۔ عدالت نے بانیِ پی ٹی آئی اور ان کی اہلیہ بشریٰ بی بی کی گرفتاری 25 نومبر تک روکنے کے احکامات دیتے ہوئے ان کی ضمانت قبل از گرفتاری میں توسیع کر دی۔
سماعت کے دوران عدالت نے ہدایت کی کہ آئندہ سماعت پر بانیِ پی ٹی آئی کو عدالت میں یا ویڈیو لنک کے ذریعے پیش کیا جائے۔ بعد ازاں عدالت نے ضمانت کی درخواستوں پر مزید سماعت 25 نومبر تک ملتوی کر دی۔
سماعت کے موقع پر بانیِ پی ٹی آئی اور بشریٰ بی بی کی جانب سے ایڈووکیٹ شمسہ کیانی پیش ہوئیں۔
بانیِ پی ٹی آئی پر 9 مئی، اقدامِ قتل اور جعلی رسیدوں سمیت متعدد مقدمات درج ہیں، جبکہ بشریٰ بی بی پر مبینہ طور پر جعلی رسیدیں جمع کرانے کا مقدمہ چل رہا ہے۔
0 تبصرے