ملير ۾ عورت مڙس سميت پريس ڪلب پهتي، ڀاءُ کان لاتعلقي جو اظهار

ملير (رپورٽ: عبدالرشيد مورجھريو) پنھور برادري جي پورهيت خاندان پنهنجي رشتيدار وسيم پنھور کان لا تعلقي جو باقائده اعلان ڪري ڇڏيو اهڙو اعلان حميرا پنھور ۽ سندس گهر واري اعجاز پنھور عوامي پريس ڪلب ملير ۾ هنگامي پريس ڪانفرنس دوران ڪيو پريس ڪانفرنس ۾ حميرا پنھور چيو ته سندس ڀاءُ وسيم پنھور ڪجهه وقت کان ڇڙواڳ روين ۽ بي راهه روي جو شڪار آهي، جنهن سبب برادري ۽ خاندان کي الزام ۽ بدنامي کي منهن ڏيڻو پيو پوي. هن چيو ته وسيم جا ڪيل مبينا ڏوھ ۽ غير قانوني ڪم اسان جي کاتي ۾ لکيا پيا وڃن ۽ ملير پوليس اسان کي بيگناھ تنگ ڪري ذهني اذيت ۾ مبتلا ڪري ڇڏيو آھي جڏهن⁠ ته انهن سان اسان جو ڪوبه واسطو ناهي اعجاز پنھور پنهنجي موقف ۾ چيو ته سندس سالو وسيم پنھور نافرمان آهي ۽ خاندان جي ڳالهه نه ٿو مڃي سندس مٿان ملير سٽي ٿاڻي تي ڪيس داخل آهن پوليس هن مٿان ڪاروائي ڪرڻ جي بجائي اسان مٿان ڪاروايون ڪري تنگ ڪري رهي آھي هن واضح ڪيو ته وسيم پنھور پنھنجي هر قول ۽ فعل جو پاڻ ذميوار آهي، خاندان يا برادري جو ان سان ڪوبه تعلق نه ناهي هنن وزير اعلي سنڌ آئي جي سنڌ ايس ايس پي ملير ۽ ٻين اختيارين کان مطالبو ڪيو آھي سندن بيان کي سرڪاري طور رڪارڊ تي آندو وڃي ۽ مستقبل ۾ ڪنهن به قانوني يا انتظامي معاملي ۾ کين وسيم پنھور جي عملن سان نه جوڙيو وڃي