ڊپٽي ڪمشنر ٺٽو منور عباس سومرو جي صحافين گڏجاڻي، مختلف معاملن تي ڳالهيون

مختلف ٻاهرين ملڪن طرفان پاڪستان خلاف منفي پروپيگنڊا وڌي رهي آهي: منور عباس سومرو

ٺٽو (محمد شفيق ڀٽي)اڄ ڊپٽي ڪمشنر ٺٽو منور عباس سومرو پنهنجي آفيس ۾ ميڊيا سان اهم ميٽنگ ڪئي، جنهن ۾ ملڪ جي موجوده صورتحال، نئين نيشنل ايڪشن پلان ۽ خاص طور تي اليڪٽرانڪ ميڊيا ، پرنٽ ميڊيا ۽ سوشل ميڊيا جي ذميواراڻي ڪردار بابت تفصيلي گفتگو ڪئي وئي.ڊپٽي ڪمشنر ٺٽو چيو ته مختلف ٻاهرين ملڪن طرفان پاڪستان خلاف منفي پروپيگنڊا وڌي رهي آهي. پرنٽ ميڊيا ته گهڻو ڪري احتياط ڪندي آهي، پر سوشل ميڊيا خاص ڪري فيس بڪ تي بنا تحقيق مواد پوسٽ جون پوسٽون شيئر ڪيو وڃن جنهن عمل ڪنٽرول ڪرڻ لا۽ اداره متحرڪ آهن ملڪي قومي سلامتي، مذهبي انتشار ۽ سماجي ڏڦيڙ جو سبب بڻجي عوام ۽ ملڪ لاءِ شديد نقصانڪار ٿي سگهي ٿو.هن واضح ڪيو ته "ڪوڙي، ڀڙڪائيندڙ، ادارن يا ملڪ خلاف، يا مذهبي منافرت ۽ فساد تي مبني مواد" ڪنهن به صورت ۾ برداشت نه ڪيو ويندو.ڊپٽي ڪمشنر وڌيڪ ٻڌايو ته حڪومت نئين قانوني فريم ورڪ تحت خصوصي عدالتون قائم ڪري رهي آهي، جيڪي سوشل ميڊيا جي غيرذميواراڻي استعمال، قومي سلامتي خلاف مواد، يا مذهبي افراتفري پکيڙڻ وارن خلاف ڪيس رجسٽرڊ ڪري قانوني ڪارروائي ڪنديون، ۽ ڏوھ ثابت ٿيڻ تي کين سزائون پڻ ڏنيون وينديون.هن ميڊيا قلم ڌڻين تي قيادت تي زور ڀريو ته ضلعي ۾ ذميوار صحافت، سوشل ميڊيا نظم و ضبط، ۽ عوامي شعور کي وڌائڻ لاءِ انتظاميا سان مڪمل سهڪار ڪن ۽ ماڻهن کي آگاهه ڪن ته هڪ غلط پوسٽ به ملڪ لاءِ خطرو بڻجي سگهي ٿي.ان موقعي تي عوامي پريس ڪلب ٺٽو جي صدر بلاول سمون، ايوانِ صحافت ٺٽو جي اڪبر دلواڻي، مڪلي پريس ڪلب جي سابق جنرل سڪريٽري شيراز وارو محمد عمر سرائي، اي بي شورو، نذير احمد قريشي ، نثار گندرو الطاف ناريجو ۽ ٻين تجويز پيش ڪئي ته حڪومت انفارميشن ڊپارٽمينٽ جي سهڪار سان پريس ڪلبن ۾ آگاهي سيمينارن جو سلسلو شروع ڪري، ۽ عوامي سطح تي ليڪچر، سيمينار ۽ سوشل ميڊيا آگاھي مهمون منظم ڪيون وڃن، جيئن شهرين ۾ ذميوار آن لائين رويو پيدا ٿئي.اجلاس جي پڄاڻي تي صحافين ڊپٽي ڪمشنر ٺٽو کي مڪمل تعاون جو يقين ڏياريندي چيو ته ضلعي ۾ امن، قومي سلامتي ۽ ذميوار صحافت جي پاليسي تي عملدرآمد لاءِ صحافي برادري هر وقت انتظاميا سان ڪلهي سان ڪلهو ملائي هلندي.