نوشهرو فيروز جي ڊگري ڪاليج گرائونڊ تي ڪرڪيٽ ٽورنامينٽ، حمزا ڪلب فاتح

دي ينگ ٽيلنٽ ونٽر پاران ڪرايل ٽورنامينٽ ۾ مجموعي طور 16 ٽيمن حصو ورتو

نوشهرو فيروز(اسپورٽس نيوز) نوشهرو فيروز ۾ ڊگري ڪاليج گرائونڊ تي ڪرڪيٽ ٽورنامينٽ، حمزا ڪرڪيٽ ڪلب کٽي ويو خبر موجب نوشهرو فيروز ڊگري ڪاليج جي گرائونڊ ۾ دي ينگ ٽيلنٽ ونٽر پاران ڪرڪيٽ ٽورنامينٽ منعقد ڪيو ويو، جنهن ۾ مجموعي طور 16 ٽيمون شرڪت ڪنديون رهيون. فائنل مقابلو حمزا ڪرڪيٽ ڪلب ۽ علي ڪرڪيٽ ڪلب وچ ۾ کيڏيو ويو۔ حمزا ڪرڪيٽ ڪلب ٽاس کٽي پهرئين بيٽنگ جو فيصلو ڪيو ۽ مقرر 7 اوورن ۾ 3 وڪيٽن جي نقصان تي 139 رنسون ٺاهي شاندار پرفارمنس سان ميچ پنهنجي نالي ڪري ورتي۔ جواب ۾ علي ڪرڪيٽ ڪلب جي ٽيم 7 اوورن ۾ 2 وڪيٽن جي نقصان تي صرف 130 رنسون ٺاهي سگهي ۽ میچ هارائي ويٺي۔ فاتح ٽيم جي مسرور سولنگي 97 رنسون ٺاهڻ ۽ ٻه وڪيٽون حاصل ڪرڻ تي مين آف دي ميچ قرار ڏنو ويو۔ ٽورنامينٽ جي اختتامي تقريب جا مهمان خاص سٽي سپر مارٽ جو مالڪ رياض حسين وڳڻ، اڪرم پيرزادو، ڪائونسلر شاهد حسين خانزاده ۽ سهيل احمد راڄپر هئا۔ مهمان خاص رياض حسين وڳڻ فاتح ٽيم کي ٽرافي ۽ 5 هزار رپيا ڪيش، جڏهن ته رنر اپ ٽيم کي ٽرافي ۽ 3 هزار رپيا انعام ڏنو۔ آخر ۾ ٽورنامينٽ جي آرگنائيزر امجد سومرو، شيراز راڄپر، مبين ميمڻ ۽ رضوان ميمڻ کي شيلڊون ۽ سرٽيفڪيٽ پڻ پيش ڪيا ويا۔