پارڪر ميگھواڙ سوشل ويلفيئر ايسوسيئيشن ميرپورخاص ڊويزن جي چونڊيل عهديدارن حلف کڻي ورتو

پنچائيت هال ننگرپارڪر ۾ شاندار حلف برداري تقريب منعقد، برادري جي ماڻھن جي وڏي انگ ۾ شرڪت

عمرڪوٽ (رپورٽ: ڪانجي مل رکيسر) پارڪر ميگھواڙ سوشل ويلفيئر ايسوسيئيشن ميرپورخاص ڊويزن ۽ صدر پنچائيت پارڪر ميگھواڙ برادري جي نون چونڊيل کٽيل پينل جي عهديدارن پنهنجي عهدي جو آئيني طور حلف کڻي ورتو، تقريب پنچائيت هال ننگرپارڪر ۾ شاندار نموني منعقد ٿي، جتي برادري جي معززن ماڻھن وڏي انگ ۾ شرڪت ڪئي، تقريب دوران اليڪشن ڪميشن جي چيئرمين گلاب راءِ جئپال ۽ سرپرست اعليٰ ڀمرلال درڙا نون عهديدارن کان حلف ورتو، چونڊيل ٽيم ۾ صدر وينجھراج اينپا، نائب صدر مھرو مل وارسور، جنرل سيڪريٽري ميوارام ميريا، خزانچي نرسنگھ لووا، نائب خزانچي نندلال ٻڍيا.جوائنٽ سيڪريٽري سروڻ جيئپال.۽اطلاعات سيڪريٽري گوتم ٻوچيا شامل آهن، تقريب ۾ مھمان خاص طور اڳوڻو صدر ڏيوجي مل پتاريا، انجنيئر گووند راجا پتاريا، انجنيئر واڌو مل، ماسٽر منون مل، ڊاڪٽر شنڪر لال پتاريا، ڊاڪٽر ڏونگرو مل پڍيار، مينيجر سارنگ ٻوچيا، لڇمڻ ڀٽائي کوکر، شنڪر لال کوکر ۽ برادري جي ٻين معزز شخصيتن شرڪت ڪري تقريب کي چار چنڊ لڳايا، برادري اميد ظاهر ڪئي آهي ته نوان عهديدار نيڪ نيتي، ايمانداري ۽ خدمت جي جذبي سان پنهنجي ذميوارين کي نڀائيندا ۽ برادري پڻ کين مڪمل ساٿ ڏيندي.