مڪلي تي ننڍي کنڊ جي ناميارِي شاعره پروين شاڪر جي 73هين سالگرهه ملهائي وئي

سنڌ ڪلچرل فورم (سرتين سٿ) پاران تقريب منعقد، پروين شاڪر کي زبردست ڀيٽا پيش ڪئي وئي

ٺٽو(شفيق ڀٽي)ننڍي کنڊ جي ناميارِي عورت شاعره پروين شاڪر جي 73هين سالگرهه جي مناسبت سان سنڌ ڪلچرل فورم (سرتين سٿ) پاران مڪلي ۾ تقريب منعقد ڪئي وئي، جنهن ۾ شرڪت ڪندڙن پروين شاڪر جي ادبي خدمتن کي ڀيٽا پيش ڪئي.تقريب ۾ ڳالهائيندڙن چيو ته پروين شاڪر عورت جي نفيس احساسن، دردن ۽ سماجي پيڙائن کي باريڪ بيني، نفاست ۽ بيباڪي سان شاعريءَ ۾ پيش ڪيو. سندن چوڻ هو ته پروين شاڪر رڳو احساسن جي ترجمان شاعره نه، پر ترقي پسند تحريڪ جي سجاڳ ساٿياڻي به رهي، جنهن پنهنجي شاعريءَ وسيلي دقيانوسي سوچ ۽ سماجي رنڊڪن کي للڪاريو ۽ عورتن جي دائمي انساني حقن جي حاصلات جو پيغام ڏنو.ان موقعي تي نوري فائونڊيشن جي چيئرپرسن سيده ياسمين علي شاه، سنڌ ڪلچرل فورم سرتين سٿ جي نگران ثنا صادق لاکو، نوجوان شاعرہ نتاشا شاه ڪاظمي، ڪراچي ڊويزن جي نگران مريم سولنگي ۽ ٻين پروين شاڪر کي ادبي دنيا جو روشن چراغ قرار ڏنو.انکان پھرين سالگرهه جو ڪيڪ پڻ ڪٽيو ويو.تقريب ۾ نور بانو، ارم سبحان، فبيحہ علي سميت سرتين وڏي انگ ۾ شرڪت ڪئي.